વર્તમાન એશીઝમાં ઓસ્ટ્રેલિયાનાં સૌથી વધુ રન બનાવનાર ટ્રેવિસ હેડ કોરોના પોઝિટિવ હોવાનું જાણવા મળ્યું છે. આ પછી, તે 5 જાન્યુઆરીથી શરૂ થનારી ચોથી ટેસ્ટમાંથી બહાર થઈ ગયો છે. તેને કોરોના સંક્રમણનાં કોઈ લક્ષણો નથી, પરંતુ વિક્ટોરિયન સરકારની આરોગ્ય સૂચનાઓ અનુસાર, તેને સાત દિવસ માટે મેલબોર્નમાં ક્વોરેન્ટિન કરવામાં આવશે. ક્રિકેટ ઓસ્ટ્રેલિયાએ આ વાતની પુષ્ટિ કરી છે.
આ પણ વાંચો – National / પૂર્વ ક્રિકેટર વિરેન્દ્ર સેહવાગની બહેન અંજુ સેહવાગ આમ આદમી પાર્ટીમાં જોડાઈ
ક્રિકેટ ઓસ્ટ્રેલિયાનાં પ્રવક્તાએ કહ્યું કે, અમારી ટેસ્ટિંગ પ્રક્રિયાનાં ભાગરૂપે અમે તમામ ખેલાડીઓ, તેમના પરિવારો અને અમારા સપોર્ટ સ્ટાફનાં નિયમિત RT-PCR ટેસ્ટ કરીએ છીએ. કમનસીબે, ટ્રેવિસ હેડ ટેસ્ટમાં કોરોના સંક્રમિત હોવાનું જાણવા મળ્યું છે. તેનામાં કોઈ લક્ષણો નથી તેમ છતા તે ટીમથી દૂર રહેશે. અમને આશા છે કે તે હોબાર્ટમાં રમાનારી પાંચમી ટેસ્ટ માટે ઉપલબ્ધ રહેશે. ટ્રેવિસ હેડે સીરીઝમાં 62ની એવરેજથી 248 રન બનાવ્યા છે, જેમાં ગાબા ખાતે સીરીઝની પ્રથમ મેચમાં સદી સામેલ છે. પસંદગીકારોએ મિશેલ માર્શ, નિક મેડિન્સન અને જોશ ઈંગ્લિસને વધારાનાં કવર તરીકે સામેલ કર્યા છે. ઓસ્ટ્રેલિયાએ પ્રથમ ત્રણ ટેસ્ટમાં ઈંગ્લેન્ડને હરાવીને એશીઝ જીતી લીધી છે. ઈંગ્લેન્ડનાં કોચ ક્રિસ સિલ્વરવૂડની સાથે એશીઝ પ્રવાસ પર પહેલો કોરોના વાયરસનો કેસ છે. પરિવારનાં એક સભ્યનો ટેસ્ટ નેગેટિવ આવ્યા બાદ પણ સીડનીને ટેસ્ટમાંથી બાકાત રાખવામાં આવ્યો હતો. બોક્સિંગ ડે ટેસ્ટ દરમ્યાન વાયરસ પ્રથમ વખત મળી આવ્યા બાદ સોમવારે PCR ટેસ્ટિંગ સિસ્ટમ અમલમાં આવી ત્યારથી પ્રવાસી પક્ષમાંથી સાત પોઝિટિવ કેસ નોંધાયા છે.
આ પણ વાંચો – Cricket / BCCI એ 2022 ની મોટી ટૂર્નામેન્ટને કરી મુલતવી, કોરોનાનાં કેસ વધતા લેવાયો નિર્ણય
જેમાં ત્રણ સપોર્ટ સ્ટાફ અને તેમના પરિવારનાં ચાર સભ્યોનો સમાવેશ થાય છે. ઈંગ્લેન્ડનાં ફાસ્ટ બોલિંગ કોચ જોન લુઈસ, સ્પિન કોચ જીતન પટેલ અને સ્ટ્રેન્થ એન્ડ કન્ડીશનીંગ બોસ ડેરેન વેન્સ કથિત રીતે આઈસોલેશનમાં છે. ઈન્ટરનેશનલ ક્રિકેટ કાઉન્સિલનાં મેચ રેફરી ડેવિડ બૂન, જેમણે અત્યાર સુધી દરેક ટેસ્ટમાં એમ્પાયરિંગ કર્યું છે, તે પણ પોઝિટિવ આવ્યા બાદ સીડનીમાં ગેરહાજર રહેશે.
