ન્યુઝીલેન્ડ સામેની વનડે ટીમની ઘોષણા કરી દેવામં આવી છે અને ઈજાગ્રસ્ત ઓપનર શિખર ધવનને ટીમમાંથી બાકાત રખવામાં આવ્યો છે. આપને જણાવી દઇએ કે, રવિવારે ઓસ્ટ્રેલિયા સામેની છેલ્લી વનડે મેચમાં શિખર ધવનને ખભાની ઇજા થઈ હતી. ખભાની ઇજાના કારણે ટી -20 શ્રેણીમાંથી બહાર થયા બાદ તેને વન ડે ટીમમાં પણ સામેલ કરવામાં આવ્યો નથી. ધવનનાં સ્થાને સંજુ સેમસનને ટી 20 સિરીઝમાં સામેલ કરવામાં આવ્યો છે અને પૃથ્વી શોને વનડે માટેની ટીમમાં સામેલ કરવામાં આવ્યો છે.
એનસીએ જશે ધવન
બીસીસીઆઈ દ્વારા બહાર પાડવામાં આવેલા નિવેદનના અનુસાર, ધવનના ખભાનું એમઆરઆઈ સ્કેન કરવામાં આવ્યું હતું, જેમાં તેણે ગ્રેડ -2 ની ઈજા દર્શાવી હતી. તેમને થોડા સમય માટે આરામની સલાહ આપવામાં આવી છે. હવે તે એનસીએ જશે અને ફેબ્રુઆરીના પહેલા અઠવાડિયાથી પુનર્વસન તબક્કામાંથી પસાર થશે.
આ શ્રેણી 24 જાન્યુઆરીથી શરૂ થશે
ટીમ ઈન્ડિયા અને ન્યુઝીલેન્ડ વચ્ચે 5 મેચની ટી 20 શ્રેણી 24 જાન્યુઆરીથી શરૂ થશે. આ પછી, બંને ટીમોની ત્રણ વનડે મેચ છે. આ પછી, 21 ફેબ્રુઆરીથી બે ટેસ્ટ મેચની શ્રેણી શરૂ થશે. ભારતીય ટીમ પણ ટેસ્ટ મેચ પહેલા પ્રેક્ટિસ મેચમાં ભાગ લેશે.
શ્રીલંકા શ્રેણીમાં સેમસન માત્ર 2 બોલ રમી શક્યો
આપને જણાવી દઇએ કે, શ્રીલંકા સામેની છેલ્લી શ્રેણીની ત્રીજી અને અંતિમ મેચમાં કેરળનાં સંજુ સેમસનને પુણેમાં તક આપવામાં આવી હતી પરંતુ તે ફક્ત 2 બોલ રમી 6 રન બનાવી શક્યો હતો. પેસર મોહમ્મદ શમી પણ ટી 20 ટીમમાં પાછો ફર્યો, જેને શ્રીલંકા સામેની શ્રેણીમાંથી આરામ આપવામાં આવ્યો.
વિરાટ કોહલીની કપ્તાની નીચે રમશે ટીમ ઇન્ડીયા
ટીમ ટી 20 સીરીઝ રમશે. વિરાટના નેતૃત્વમાં ટીમ ઈન્ડિયાએ શ્રીલંકાને 2-0થી હરાવીને વર્ષની પ્રથમ ટી 20 શ્રેણી જીતી હતી. આ પછી, ભારતીય ટીમે 3 મેચની વનડે સિરીઝમાં ઓસ્ટ્રેલિયાને 2-1થી હરાવી હતી.
વનડે ટીમ – વિરાટ કોહલી (કેપ્ટન) રોહિત શર્મા (ઉપ-કેપ્ટન), પૃથ્વી શો, લોકેશ રાહુલ, શ્રેયસ Iયર, મનીષ પાંડે, ઋષભ પંત, શિવમ દુબે, કુલદીપ યાદવ, યુઝવેન્દ્ર ચહલ, રવિન્દ્ર જાડેજા, જસપ્રીત બુમરાહ, મોહમ્મદ શમી, નવદીપ સૈની, શાર્દુલ ઠાકુર અને કેદાર જાધવ
ટી -20 ટીમ – વિરાટ કોહલી (કેપ્ટન), રોહિત શર્મા (ઉપ-કપ્તાન), કેએલ રાહુલ, સંજુ સેમસન, શ્રેયસ ઐયર, મનીષ પાંડે, ઋષભ પંત (વિકેટકીપર), શિવમ દુબે, કુલદીપ યાદવ, યુઝવેન્દ્ર ચહલ, વોશિંગ્ટન સુંદર, જસપ્રિત બુમરાહ, મોહમ્મદ શમી, નવદીપ સૈની, રવિન્દ્ર જાડેજા, શાર્દુલ ઠાકુર
#INDvsNZ India’s ODI squad: Virat Kohli (C), Rohit Sharma (VC), Prithvi Shaw, KL Rahul, Shreyas Iyer, Manish Pandey, Rishabh Pant (WK), Shivam Dube, Kuldeep Yadav, Yuzvendra Chahal, Ravindra Jadeja, Jasprit Bumrah, Mohammed Shami, Navdeep Saini, Shardul Thakur, Kedar Jadhav https://t.co/KucddbLz0l
— ANI (@ANI) January 21, 2020
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
