Telangana News: તેલંગાણાના હૈદરાબાદ(Hyderabad)માં એક હ્રદયદ્રાવક ઘટના બની છે. એક વ્યક્તિએ તેની પત્નીની હત્યા (Telangana Wife Murder) કરી, તેના શરીરના ટુકડા કરી, તેને કૂકરમાં ઉકાળીને ફેંકી દીધી. આરોપી પતિએ પહેલા પોલીસની સામે ડોળ કર્યો, પરંતુ જ્યારે તેને તેની હરકતો પર શંકા ગઈ તો પોલીસે કડક કાર્યવાહી કરી અને તેણે પોતાનો ગુનો કબૂલી લીધો. તેણે પૂછપરછ દરમિયાન એ પણ જણાવ્યું કે તેણે આવો જઘન્ય ગુનો શા માટે કર્યો? પોલીસે આરોપીના કહેવાથી શરીરના અંગો કબજે કરી હત્યાનો ગુનો નોંધ્યો છે.
પોલીસ પાસેથી મળેલી માહિતી મુજબ, આ ઘટના હૈદરાબાદના રંગારેડ્ડી જિલ્લાના મીરપેટ વિસ્તારમાં બની હતી, જે રચાકોંડા કમિશનરેટ હેઠળ આવે છે. હત્યારો એક નિવૃત્ત સેનાનો જવાન (Retired Army Officer) છે. તેમણે સ્વૈચ્છિક નિવૃત્તિ લીધી હતી. તેનું નામ ગુરુમૂર્તિ છે, જે દાંડુપલ્લી ગામનો રહેવાસી છે. સેનામાંથી નિવૃત્ત થયા બાદ તે DRDOમાં આઉટસોર્સ સિક્યુરિટી ગાર્ડ હતો. મૃતકની ઓળખ વેંકટ માધવી તરીકે થઈ હતી, જેની સાથે ગુરુમૂર્તિના લગ્ન 13 વર્ષ પહેલા થયા હતા. 2 બાળકો પણ છે. માધવી 15 જાન્યુઆરીથી ગુમ હતી, કારણ કે તે જ દિવસે તેની હત્યા (Murder) કરવામાં આવી હતી. 16 જાન્યુઆરીએ મૃતદેહનો નિકાલ કરવામાં આવ્યો હતો અને ઘટના 18 જાન્યુઆરીએ પ્રકાશમાં આવી હતી. પોલીસે જ્યારે આરોપીની ધરપકડ કરી તેની પૂછપરછ કરી તો ગુરુમૂર્તિની બર્બરતાનું સત્ય સામે આવ્યું.
પોલીસ પૂછપરછ દરમિયાન ગુરુમૂર્તિએ જણાવ્યું કે બંને વચ્ચે અવારનવાર ઝઘડા થતા હતા. 15 જાન્યુઆરીએ બંને વચ્ચે ઝઘડો થયો હતો અને વિવાદ દરમિયાન તેણે તેની પત્ની માધવીની હત્યા કરી હતી. બીજા દિવસે તેણે મૃતદેહના ટુકડા કરી કૂકરમાં ઉકાળી દીધા. હાડકાંને મુસળીથી કચડીને જીલેલાગુડા ચેરુવુ અને અન્ય સ્થળોએ તળાવમાં ફેંકી દેવામાં આવ્યા હતા. દરમિયાન માધવીના પરિવારના સભ્યો તેને શોધવા માટે આવ્યા ત્યારે તેણે તેમને કહ્યું કે માધવી ઝઘડો કરીને જતી રહી છે, પરંતુ તેના પરિવારજનોએ જણાવ્યું કે તે તેના માતા-પિતાના ઘરે નથી આવી, જેથી તે તેના સાસરિયાઓ સાથે પોલીસ સ્ટેશને પહોંચી હતી અને ગુમ થયાની ફરિયાદ નોંધાવી હતી, પરંતુ પોલીસને તે શંકાસ્પદ બન્યો હતો, જેના કારણે તેની હરકતો સામે આવી હતી.
આ પણ વાંચો:સુરતમાં 20 વર્ષ પહેલા પત્નીની હત્યા કરનાર એરફોર્સના પૂર્વ જવાનને ક્રાઈમ બ્રાન્ચે દબોચ્યો
આ પણ વાંચો: ઘરકંકાસમાં પતિએ પત્નીની હત્યા કરીને આપઘાત કર્યો
આ પણ વાંચો:મોરબીમાં ભાઈબીજ લોહિયાળ બની,આડાસંબંધોના વહેમમાં પત્નીની હત્યા
