દિવંગત બોલિવૂડ સ્ટાર સુશાંત સિંહ રાજપૂતની ફિલ્મ ‘દિલ બેચરા‘ વિશે એક મોટી માહિતી બહાર આવી રહી છે. બોલિવૂડ સ્ટાર સુશાંત સિંહ રાજપૂતની છેલ્લી ફિલ્મ દિલ બેચરા ટૂંક સમયમાં જ ઓનલાઇન સ્ટ્રીમ થવા જઈ રહી છે. નિર્માતાઓએ આ વિશે મોટી જાહેરાત કરી દીધી છે. હવે નિર્માતાઓએ ફિલ્મનું નવું પોસ્ટર શેર કર્યું છે અને કહ્યું છે કે આ ફિલ્મનું ટ્રેલર 6 જુલાઈએ રિલીઝ થઈ રહ્યું છે. એટલે કે સુશાંત સિંહ રાજપૂતની છેલ્લી ફિલ્મ દિલ બેચરાનું ટ્રેલર સોમવારે એટલે કે આજે રિલીઝ થઈ રહ્યું છે.
આ સાથે ફિલ્મ નિર્માતા કંપની ફોક્સ સ્ટારે તેનુ નવુ પોસ્ટર રજૂ કર્યુ છે. આ પોસ્ટરમાં તેની સહ-કલાકાર સંજના સાંઘી સુશાંત સિંહ રાજપૂત સાથે સ્કૂટર પર બેઠેલી જોવા મળી રહી છે. જણાવી દઈએ કે સુશાંત સિંહ રાજપૂત સાથે સંજના સાંઘી બોલિવૂડમાં પગ મૂકવા જઈ રહી છે. તે આ ફિલ્મ અંગે ખૂબ જ ઉત્સાહિત હતી. પરંતુ સુશાંત સિંહ રાજપૂતની આત્મહત્યાએ હવે ફિલ્મની સમગ્ર ટીમનું મનોબળ ઘટાડ્યું છે. અંતમાં અભિનેતાની આત્મહત્યા બાદ ખૂબ જ ભાવનાત્મક વીડિયો શેર કર્યા બાદ સંજના સાંઘીએ પોતાનું દુખ વ્યક્ત કર્યું હતું. આ પછી સુશાંતસિંહ રાજપૂતની આત્મહત્યા કેસમાં સંજના સાંઘીની મુંબઈ પોલીસે પૂછપરછ કરી હતી.
સુશાંત સિંહ રાજપૂતનાં અવસાન બાદ નિર્માતાઓએ તેમની છેલ્લી ફિલ્મને થિયેટરની જગ્યાએ ડિજિટલ રીતે રજૂ કરવાનો નિર્ણય લીધો હતો. અગાઉ આ ફિલ્મ એપ્રિલમાં જ થિયેટરોમાં રિલીઝ થવાની હતી. પરંતુ દેશમાં કોરોના વાયરસ લોકડાઉનને કારણે તેની થિયેટર રિલીઝમાં બ્રેક લાગી હતી. આ પછી, નિર્માતાઓએ જાહેરાત કરી છે કે તેમની છેલ્લી ફિલ્મ 24 જુલાઈએ ડિઝની પ્લસ હોટ સ્ટાર પર સ્ટ્રીમ કરવામાં આવશે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
