આપણા દેશમાં ભારતીય સેના, પોલીસ કે કોઈપણ સુરક્ષા એજન્સીઓને મદદ કરવા માટે શ્વાનોની પણ મદદ લેવામાં આવે છે. આ ડોગ અમૂલ્ય શોધ અને બચાવ સેવાઓ પૂરી પાડે છે. ઘાયલોની સાથે તેઓ લેન્ડમાઈન અને દુશ્મનોને પણ શોધે છે. તેઓ સંદેશવાહક, સંત્રી અને રક્ષક તરીકે પણ કામ કરે છે. આ શ્વાનો એક પ્રક્રિયા હેઠળ ભરતી અને નિવૃત્ત થાય છે.
22 આર્મી ડોગ યુનિટના ડોગ મેરુ નિવૃત્ત
હકીકતમાં, તાજેતરમાં મેરુ નામનો આર્મી ડોગ રિટાયર થયો છે. મેરઠમાં નિવૃત્તિ ગૃહમાં તેની મુસાફરી દર્શાવતી એક વાયરલ પોસ્ટે ઘણાને પ્રભાવિત કર્યા છે. આર્મી ડોગ મેરુ મેરઠમાં પોતાના રિટાયરમેન્ટ હોમ પહોંચવા માટે ટ્રેનના એસી ફર્સ્ટ કોચમાં મુસાફરી કરી રહ્યો છે. વાયરલ થઈ રહેલા વીડિયોમાં લખવામાં આવ્યું છે કે રિટાયરમેન્ટ બાદ 22 આર્મી ડોગ યુનિટનો શ્વાન મેરુ ટ્રેનના ફર્સ્ટ એસી કોચમાં ખૂબ જ આરામદાયક અંદાજમાં મુસાફરી કરતો જોવા મળે છે.
મેરુ 9 વર્ષ પછી વફાદાર ટ્રેકર ડોગ તરીકે નિવૃત્ત થયો
મેરુવફાદાર ટ્રેકર ડોગ તરીકે સમર્પિત કારકિર્દી પછી નિવૃત્ત થયો છે. મેરુના વાયરલ થયેલા વીડિયો પોસ્ટના કેપ્શનમાં લખવામાં આવ્યું છે કે નિવૃત્તિ બાદ તે ટ્રેનના પહેલા એસી કોચમાં ખૂબ જ આરામદાયક અંદાજમાં મુસાફરી કરતો જોવા મળે છે. તે તેના બાકીના દિવસો રિમાઉન્ટ એન્ડ વેટરનરી કોર્પ્સ (RVC) સેન્ટર ખાતે ડોગ્સ રિટાયરમેન્ટ હોમમાં વિતાવશે. સંરક્ષણ મંત્રાલયે તાજેતરમાં સર્વિસ ડોગ્સને તેમના હેન્ડલર સાથે એસી ફર્સ્ટ ક્લાસમાં મુસાફરી કરવાની મંજૂરી આપી છે.
આ પ્રકારની વ્યવસ્થા સંરક્ષણ મંત્રાલયની પહેલનો એક ભાગ છે.
મેરુ જેવા ઘણા શ્વાન કે જેઓ ચોક્કસ સમયગાળા પછી નિવૃત્ત થાય છે તેમના માટે આ વ્યવસ્થા સંરક્ષણ મંત્રાલયની તાજેતરની પહેલનો એક ભાગ છે, જે હવે સેવાનિવૃત્તિ પછીના શ્વાનને તેમના હેન્ડલર્સ સાથે AC ફર્સ્ટ ક્લાસમાં તેમના નિવૃત્તિ ઘરોમાં જવાની મંજૂરી આપે છે. વિભાગીય નીતિમાં આ ફેરફાર રાષ્ટ્રની સેવામાં પોતાનું જીવન સમર્પિત કરનારા પ્રાણીઓ પ્રત્યે આદર અને કૃતજ્ઞતા દર્શાવે છે. ભારતીય સેનાના શ્વાનનું નિવૃત્તિ પછીનું સન્માન જોઈને લોકો આશ્ચર્યચકિત થઈ ગયા છે, સેનામાંથી નિવૃત્ત થયેલો શ્વાન હેડલાઈન્સમાં છે.
Army Tracker Dog Meru from the 22 Army Dog Unit boarded a train to Meerut on retirement. He will spend the rest of his days at the Dogs Retirement Home at the Remount and Veterinary Corps (RVC) Center.
He is travelling AC first class. The Ministry of Defence recently permitted… pic.twitter.com/wy4mcXdDyA— Ashok Bijalwan 🇮🇳 (@AshTheWiz) May 18, 2024
આ પણ વાંચો: નોકરીયાતો સમયસર કામ કરી લો, નહીંતર 7 લાખ રૂપિયાથી વંચિત રહેશો
આ પણ વાંચો: નોકરી કરતા 7 કરોડ લોકોને ભેટ, EPFOની ઑટો ક્લેમ સુવિધા લૉન્ચ
