Tehran News: ઈરાન (Iran)ના સુપ્રીમ લીડર આયાતુલ્લાહ અલી ખામેની (Ali Khamenei)એ અમેરિકી રાષ્ટ્રપતિ ડોનાલ્ડ ટ્રમ્પ (Donald Trump)ની ઈરાનને શરણાગતિ આપવાની માંગણીને સ્પષ્ટપણે નકારી કાઢી છે. ખામેનીએ તેને ટ્રમ્પના મુખમાંથી નીકળેલું નિવેદન ગણાવ્યું જે તેમના કદ કરતાં ઘણું મોટું છે. આ નિવેદન એવા સમયે આવ્યું છે જ્યારે બંને દેશો વચ્ચે તણાવ ચરમસીમાએ છે.
ખામેનીએ સોશિયલ મીડિયા પ્લેટફોર્મ X પર લખ્યું, “અમેરિકી રાષ્ટ્રપતિએ કહ્યું, ‘ઈરાને શરણાગતિ સ્વીકારવી જ જોઈએ.’ કહેવાની જરૂર નથી કે આ નિવેદન અમેરિકન રાષ્ટ્રપતિના મુખમાંથી નીકળવા માટે ખૂબ મોટું છે.”
વિદેશી મીડિયા અનુસાર, ખામેનીએ કહ્યું કે ઈરાન પર લશ્કરી હુમલાઓથી અમેરિકાને કંઈ મળ્યું નથી. તેમણે ચેતવણી આપી હતી કે જો અમેરિકા વધુ હુમલો કરશે તો તેને યોગ્ય જવાબ મળશે.
ઈરાનના સુપ્રીમ લીડર અલી ખામેનીએ ઈરાન અને ઈઝરાયલ વચ્ચે યુદ્ધવિરામ અમલમાં આવ્યા બાદ ગુરુવારે પહેલી વાર નિવેદન આપ્યું હતું. તેમણે કહ્યું કે, કતારમાં અમેરિકન લશ્કરી મથક પર હુમલો કરીને ઈરાને અમેરિકાના મોઢા પર થપ્પડ મારી છે. આ અમેરિકાનું સૌથી મોટું લશ્કરી મથક છે. તેમણે અમેરિકાને ભવિષ્યમાં ફરીથી ઈરાન પર હુમલો ન કરવાની ચેતવણી આપી હતી. તેમણે કહ્યું કે તેનું પરિણામ વધુ ઘાતક હશે.
તેમણે કહ્યું, “અમેરિકન રાષ્ટ્રપતિ ટ્રમ્પ રવિવારે અમેરિકાના ત્રણ પરમાણુ પ્લાન્ટ પરના હુમલા વિશે અતિશયોક્તિ કરી રહ્યા છે. જ્યારે વાસ્તવમાં અમેરિકાને તે હુમલાથી કંઈ મળ્યું નથી. ટ્રમ્પનું નિવેદન સાંભળનાર કોઈપણ વ્યક્તિ કહેશે કે તે સત્યને વિકૃત કરી રહ્યા છે. હકીકતમાં, અમેરિકાએ ઇઝરાયલને હારથી બચાવવા માટે ઈરાન પર હુમલો કર્યો હતો.”
આ પણ વાંચો:અમેરિકાની કાર્યવાહી બાદ ઈરાને ઈઝરાયેલ પર કર્યો મિસાઈલ એટેક
આ પણ વાંચો:ઈઝરાયલ-ઈરાન યુદ્ધમાં અમેરિકાએ ઝંપલાવ્યું! ઈરાનના ત્રણ પરમાણુ મથકો પર હુમલો કર્યો
