ધ્રાંગધ્રા શહેરમાં અનેક ગાયો ઉપર હુમલો કર્યો હોય એવી ગંભીર ઇજા દેખાતા આ હુમલાના બદલે ઓસ્ટ્રેલિયાનો લમ્પી વાયરસનો ગાયો ભોગ બન્યાનું ખુલતા વેટરનરી તબીબે આવી ગાયોને અલગ ક્વોરેન્ટાઇન કરવા માટે પશુપાલકોને તાકીદ કરી છે ત્યારે પશુ પાલકોમાં પણ ફફડાટ દેખાઇ રહ્યો છે.
આ પણ વાંચો :હવામાન વિભાગ / ખેડૂતો માટે વધુ એકવાર માઠા સમાચાર, આગામી 3 દિવસ વરસાદની આગાહી
ધ્રાંગધ્રા શહેરમાં તિક્ષ્ણા હથિયાર વડે હુમલો કર્યો હોય એવી ગંભીર ઇજાઓ વાળી આઠ ગાયો દેખાતા જીવદયાપ્રેમીઓએ સારવાર શરૂ કરી છે.ત્યારે બીજા દિવસે પણ વધારે ચાર ગાયો આવી જ સ્થિતિમાં મળી આવ્યા બાદ ધ્રાંગધ્રાના પશુ ચિકિત્સકે ખુલાસો કરતા જણાવ્યુ કે આ કોઇ ઇજા નથી, પરંતુ ઓસ્ટ્રેલીયાનો ગંભીર લમ્પી સ્કીન ડીસીઝ વાયરસ છે. આ વાયરસનો જે ગાય ભોગ બને એ ગાયને સોપારી જેવી ગાંઠ થયા બાદ ફૂટીને કોઇ તિક્ષ્ણા હથિયાર વડે હુમલો કર્યો હોય એવી ઇજા થાય છે. જેથી જે વિસ્તારમાં જ્યાં ગાયને આવી લમ્પી વાયરસની બિમારી દેખાય એ ગાયને તાત્કાલીક અલગ કવોરન્ટાઇન કરી વાયરસની રસી મુકાવવા માટેની વ્યવસ્થા કરવી જોઇએ.
આ પણ વાંચો ;અવાણિયા ગામ / એક એવું ગામ જ્યાં આઝાદી પછી માત્ર એક જ વાર યોજાઇ છે ચૂંટણી
ધ્રાંગધ્રા સાથે પાટડી સહિત અન્ય વિસ્તારમા પણ આ બિમારી વાયુવેગે ફેલાઇ રહી છે. ધ્રાંગધ્રામાં તો વધારે ગાયોને આ બિમારી ના ફેલાય એ માટે જયેશભાઇ ઝાલા, હેમંતભાઇ દવે સહિતના જીવદયાપ્રેમીઓ દરેક આવી ઇજાવાળી ગાયાની સારવાર કરી રહયા છે. બીજી તરફ પશુ ડોકટરોની ટીમ દ્વારા પણ અલગ-અલગ જગ્યાએ જઇ આ વાયરસ વધારે ના ફેલાય એ માટે કામગીરી કરાય એવી લોકો માંગ કરી રહ્યા છે.