અમેરિકાના ટેક્સાસમાં ભૂકંપના આંચકા અનુભવાયા છે. આ ભૂકંપ રાજ્યના પશ્ચિમ વિસ્તારમાં શુક્રવારે સાંજે આવ્યો હતો. તેમાં કોઈ નુકસાનના અહેવાલ નથી. યુએસજીએસ અનુસાર, રિક્ટર સ્કેલ પર ભૂકંપની તીવ્રતા 5.4 માપવામાં આવી છે.
યુએસજીએસએ અહેવાલ આપ્યો છે કે શુક્રવારે ટેક્સાસમાં એક શક્તિશાળી ભૂકંપ અનુભવાયો હતો. રિક્ટર સ્કેલ પર તેની તીવ્રતા 5.4 માપવામાં આવી હતી. આ ભૂકંપ સ્થાનિક સમય મુજબ સાંજે 5:35 વાગ્યે આવ્યો હતો, તેનું કેન્દ્ર મિડલેન્ડથી 22 કિમી ઉત્તર-પશ્ચિમમાં જમીનની અંદર 9 કિમી ઊંડે હતું.
આ ભૂકંપ 1500 લોકોએ અનુભવ્યો હતો
યુએસ નેશનલ વેધર સર્વિસ ઓફિસ દ્વારા કહેવામાં આવ્યું છે કે આ ભૂકંપ ટેક્સાસના ઈતિહાસમાં ચોથો સૌથી શક્તિશાળી ભૂકંપ હશે. યુએસજીએસના રાષ્ટ્રીય ધરતીકંપ માહિતી કેન્દ્રના ભૂ-ભૌતિકશાસ્ત્રી જાન પર્સ્લેએ જણાવ્યું હતું કે ભૂકંપ લગભગ 1,500 લોકોએ અનુભવ્યો હતો. તેમણે કહ્યું કે તે વિસ્તાર માટે આ એક મોટો ભૂકંપ છે. આવી ઘટના તે વિસ્તારમાં ઘણા માઈલ સુધી અનુભવાશે.
ભૂકંપથી નુકસાનના સમાચાર નથી
પર્સ્લેએ કહ્યું કે આ ભૂકંપથી થયેલા નુકસાન વિશે કોઈ માહિતી પ્રાપ્ત થઈ નથી, પરંતુ તેનાથી દિવાલોના પ્લાસ્ટર અને ડ્રાઇવ વેને નુકસાન થઈ શકે છે. એક મહિના પહેલા પશ્ચિમ ટેક્સાસમાં પણ આવી જ તીવ્રતાનો ભૂકંપ આવ્યો હતો. 16 નવેમ્બરે આવેલા ભૂકંપની તીવ્રતા 5.3 માપવામાં આવી હતી અને તેનું કેન્દ્ર મિડલેન્ડથી લગભગ 153 કિમી પશ્ચિમમાં હતું.
આ પણ વાંચો:ગુજરાતમાં AAPનો ઉપયોગ અમારી વિરુદ્ધ થયો, નહીં તો અમે જીતી ગયા હોતઃ રાહુલ ગાંધી
આ પણ વાંચો:રાહુલ ગાંધી પર ભાજપે કર્યો વળતો પ્રહાર, કહ્યું- આ તેમના પરદાદા નેહરુનું ભારત નથી, મોદીનું ભારત છે…
