સ્પાઈસ જેટની ગોરખપુર-મુંબઈ ફ્લાઈટનું શનિવારે બપોરે નાગપુર એરપોર્ટ પર ઈમરજન્સી લેન્ડિંગ કરવામાં આવ્યું હતું. પ્લેનમાં સવાર એક ગર્ભવતી મહિલાની બગડતી તબિયતને કારણે આ સ્થિતિ સર્જાઈ હતી.એર ઈન્ડિયા એરપોર્ટ સર્વિસ લિમિટેડના સિનિયર મેનેજર સુનિલ સાંગોલેના જણાવ્યા અનુસાર, વિમાનમાં 182 મુસાફરો અને ક્રૂ મેમ્બર હતા. તે ગોરખપુરથી મુંબઈ જઈ રહ્યા હતા. ફ્લાઇટ દરમિયાન ગર્ભવતી મહિલાએ તબિયત બગડવાની ફરિયાદ કરી હતી. આ પછી મેડિક ઈમરજન્સીની સ્થિતિમાં વિમાનને બપોરે 12.32 વાગ્યે નાગપુર એરપોર્ટ પર લેન્ડ કરવું પડ્યું હતું.
એરપોર્ટ પરથી મહિલા મુસાફરને 12:42 કલાકે ખાનગી હોસ્પિટલમાં લઈ જવામાં આવી હતી. સંગોલેએ જણાવ્યું હતું કે નાગપુર એટીસી, મિહાન ઈન્ડિયા લિમિટેડ અને એરપોર્ટ ગ્રાઉન્ડ હેન્ડલિંગ સ્ટાફે મુસાફરો અને મેડિકલ ઈમરજન્સીને સારી રીતે સંભાળી હતી. મહિલા પેસેન્જરની સારવાર કરનાર ખાનગી હોસ્પિટલના ડૉક્ટરે કહ્યું કે તે હવે ઠીક છે. સાંજે 5.17 વાગ્યે ફ્લાઇટ મુંબઈ માટે ટેકઓફ થઈ હતી.ગોરખપુરથી ઉપડ્યાના લગભગ એક કલાક બાદ સગર્ભા મહિલાએ ચક્કર, શ્વાસ લેવામાં તકલીફ અને ઉલ્ટીની ફરિયાદ કરી હતી
