કંગના રાનૌતની ઐતિહાસિક પીરીયડ ડ્રામા ફિલ્મ ‘મણિકર્ણિકા: ધી ક્વીન ઓફ ઝાંસી’ જાપાનમાં રિલીઝ થવા જઈ રહી છે. આ ફિલ્મ જાપાનમાં 3 જાન્યુઆરી, 2020 ના રોજ રિલીઝ થવાના અહેવાલ છે. આ ફિલ્મમાં કંગનાએ ઝાંસીની રાણી લક્ષ્મીબાઈની ભૂમિકા નિભાવી હતી. ફિલ્મના ડાયરેક્ટર રાધા કૃષ્ણ જગલમુદિ અને ઝી સ્ટુડિયો ઇન્ટરનેશનલએ જાપાનમાં ફિલ્મ રિલીઝ કરવાનો નિર્ણય લીધો છે. જો કે જાપાનમાં કેટલી સ્ક્રીનો પર આ ફિલ્મ રિલીઝ થશે, તેની માહિતી મળી નથી પરંતુ અપેક્ષા છે કે ત્યાં તેને પસંદ કરવામાં આવશે.
જાપાનમાં ફિલ્મ રિલીઝ થતાં, ઝી એન્ટરટેનમેન્ટના હેડ-ગ્લોબલ સિન્ડિકેશન એન્ડ ઇન્ટરનેશનલ ફિલ્મ ડિસ્ટ્રિબ્યુશન વિભા ચોપરાએ જણાવ્યું હતું કે, “રાણી લક્ષ્મીબાઈની આ મહાકાવ્ય વિશ્વના દર્શકોમાં તેમની બહાદુરી, શક્તિ, હિંમત અને બલિદાન દર્શાવે છે. મણિકર્ણિકા જાપાનમાં રિલીઝ થવાની તૈયારી છે.
આ ફિલ્મની રીલીઝ માટે કંગના જાપાન જશે કે કેમ તે કહેવું મુશ્કેલ છે. ઝાંસીની રાણી લક્ષ્મીબાઈ બનવા માટે કંગનાએ આ ફિલ્મમાં ખૂબ જ મહેનત કરી હતી. જો કે આ ફિલ્મ અંગે કેટલાક વિવાદો થયા હતા, પરંતુ કંગના હજી પણ માને છે કે આ ફિલ્મ તેના હૃદયની નજીક છે.
એવું કહેવામાં આવી રહ્યું છે કે આવી પિરિયડ ડ્રામા ફિલ્મો જાપાનમાં ખૂબ પ્રખ્યાત છે. આ અગાઉ બાહુબલી જાપાનમાં પણ રીલીઝ થઈ હતી અને આ ફિલ્મે 88 કરોડની કમાણી કરી હતી.ઝી સ્ટુડિયો મણિકર્ણિકા પછી જાપાનમાં કેસરી ફિલ્મ રિલીઝ કરવાનું પણ વિચારી રહ્યું છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
