મુંબઈ

કોમેડી કિંગ કપિલ શર્મા લાંબા બ્રેક બાદ પોતાના નવા શો ફેમિલી ટાઈમ વીથ કપિલ શર્મા સાથે વાપસી કરશે. આ શો સાથે જાડાયેલ નવી નવી માહિતી રોજ સામે આવી રહી છે. ત્યારે હવે સમાચાર મળી રહ્યા છે કે, કપિલ શર્માના નવા શોમાં નવજોતસિંહ સિંધુ પણ જોડાશે.

તમને જણાવી દઈએ કે  આ પહેલા સિંધુ કોમેડી નાઈટ વીથ કપિલમાં મહત્વનો ભાગ હતા. શોની બાકી કાસ્ટિંગ પણ પહેલાથી જ નક્કી કરી લેવાઈ છે. સુત્રોનુ કહેવુ છે કે, સિંધુ આ શોનો એક એપિસોડ પણ શુટ કરી ચુક્યા છે અને ટૂંક સમયમાં તેનો પ્રોમો પણ રીલીઝ કરવામાં આવશે.

ઉલ્લેખનીય છે કે, શો સાથે સિંધુના જોડાવાથી તેમના સમર્થકોમાં ખુશી વ્યાપી ગઈ છે. આ પહેલાના શોમાં સિંધુ પોતાની શાયરી અને હસવાની આદતના કારણે ખૂબ જ લોકપ્રિય બન્યા હતા. તાજેતરમાં અભિનેત્રી નેહા પેડ્‌સે પણ આ શો સાથે જાડાઈ હોવાના સમાચાર સામે આવ્યા છે.

મહત્વનું છે કે,  આ શોને કપિલ શર્મા હોસ્ટ કરશે અને શોનું શૂટિંગ બુધવારના દિવસે શરૂ પણ કરી દીધું છે.