#MeToo : અનુ મલિકને પોતાના પર લાગેલા આરોપોના લીધે ઇન્ડિયન આઈડલ શોમાંથી ધોવા પડ્યા હાથ

મી ટુ કેમ્પેઈને હાલ જોરદાર વેગ પકડ્યો છે. એકબીજા પર આરોપો લગાવવાનો મામલો હજુ સમ્યો નથી. થોડા દિવસ પહેલા ફેમસ સિંગર અનુ મલિક પર જાતીય શોષણનો આરોપ લગાવવામાં આવ્યો હતો. તમને જણાવી દઈએ કે અનુ મલિક હાલ ઇન્ડિયન આઇડલની ચાલી રહેલી સીઝનમાં જજ છે પરંતુ આ આરોપના લીધે તેમને જજ પરથી હટાવી દેવામાં આવ્યા છે.

Anu Malik is no longer a part of Indian Idol jury panel. The show will continue its planned schedule & we'll invite some of the biggest names in Indian music as guests to join Vishal&Neha to judge extraordinary talent of Indian Idol season 10: Sony Entertainment Television #MeToo pic.twitter.com/uJmEK1cq4X

— ANI (@ANI) October 21, 2018

ચેનલ દ્વારા રવિવારે આ મામલે જાણકારી આપવામાં આવી હતી.

ચેનલે પોતાના નિવેદનમાં કહ્યું હતું કે અનુ મલિક હવે ઇન્ડિયન આઈડલની જૂરીનો હિસ્સો નથી રહ્યા. આ શો પહેલા જે સમયે આવતો હતો તે જ સમયે આવશે.

વધુમાં કહ્યું હતું કે ટૂંક જ સમયમાં અનુ મલિકની જગ્યા કોઈ બીજું લેશે. તમને જણાવી દઈએ કે અનુ મલિક પર અત્યાર સુધી ચાર મહિલાઓ જાતીય શોષણનો આરોપ લગાવી ચુકી છે.

અનુ મલિક પર લાગેલા આરોપો મામલે ચેનલે કોઈ સ્ટેન્ડ લીધું નહતું.

અનુ મલિક પર આ મહિલાએ લગાવ્યા હતા આરોપ

સિંગર શ્વેતા પંડિતે ટ્વિટર પર પોતાની મીટુ સ્ટોરી શેર કરતી વખતે અનુ મલિક પર જાતીય શોષણનો આરોપ મૂક્યો હતો. તેમણે જણાવ્યું હતું કે કેવી રીતે અનુ મલિકે તેમને કામ આપવા બદલ કિસની માંગ કરી હતી.

શ્વેતાએ જણાવ્યું હતું કે આ બધુ વર્ષ 2001માં થયું હતું, જ્યારે તે ફક્ત 15 વર્ષની હતી. એટલી નાની ઉંમરે તેમને આ પ્રકારના શોકિંગ અનુભવમાંથી પસાર થવું પડ્યું હતું. તેણે સ્ટોરી શેર કરતા લખ્યું, ‘આ મારું મીટુ છે. હું યંગ છોકરીઓને અનુ મલિકથી દુર રહેવા જણાવીશ. અનુ મલિક તમારો સમય પૂરો થઈ ગયો છે. ‘ તેના પછી તેમણે સોના મહાપાત્રનું નામ લઇને તેમને તેમના અનુભવો શેર કરવા બદલ આભાર માન્યો હતો.

Had to go back to my worst memory as a teenage girl today to write this and speak up – its now or never. This is my #MeToo and have to warn young girls about #AnuMalik & let you know your #TimesUp @IndiaMeToo
Thank you @sonamohapatra for speaking up about him & supporting this pic.twitter.com/e261pGQyEq

— Shweta Pandit (@ShwetaPandit7) October 17, 2018

અહીં જાણો શું લખ્યું હતું શ્વેતાએ પોસ્ટમાં…

શ્વેતાએ કહ્યું કે 2000માં તેને મોહબ્બતેમાં લીડ સિંગર તરીકે લોન્ચ કરવામાં આવી હતી તે સમયે તે સૌથી યંગ ગાયક હતી જ્યારે તેમના ગીતો હિટ થયા, ત્યારે તેમને ઇન્ડસ્ટ્રીમાંથી ઘણી ઓફર મળી. એક દિવસ અનુ મલિકના મેનેજર મુસ્તફાએ તેને બોલાવી અને ગીત ગાવાની ઓફર કરી.તેના માટે, શ્વેતાને એમ્પાયર સ્ટુડિયોમાં આવવા માટે કહેવામાં આવ્યું હતું. શ્વેતા તેની માતા સાથે ત્યાં પહોંચી, અનુ મલિક તે સમયે ‘આવારા પાગલ દીવાના’ ફિલ્મ માટે ગીતો રેકોર્ડ કરી રહ્યા હતા. શ્વેતાને નાની કેબિનમાં રહેવા માટે કહેવામાં આવ્યું હતું. કેબિનમાં બંને એકલા હતા. અનુ મલિકે શ્વેતાને સંગીત વિના ગીતો ગાવા કહ્યું. શ્વેતાના ગીતથી અનુ મલિક પ્રભાવિત થયા હતા.

શ્વેતાએ આગળ કહ્યું, ‘તેમણે મને કહ્યું મેં ખૂબ જ સરસ ગીત ગાયું છું. અનુ મલિકે મને કહ્યું કે હું તમને આ ગીત સુનિધિ ચૌહાણ અને શાન સાથે આપીશ, પણ પહેલા મને કિસ આપો. તે પછી તેણે હસ્યું. તે સૌથી ભયાનક સ્મિત હતું. હું તેમને સાંભળતા જ ડરી ગઈ હતી. મારો ચહેરો પીળો થઇ ગયો હતો.

તેણે આગળ કહ્યું કે તે સમયે તે માત્ર 15 વર્ષની હતી અને શાળામાં અભ્યાસ કરતી હતી. આવી પરિસ્થિતિમાં, કોઈ પણ કલ્પના કરી શકે નહીં કે તેમની સાથે આવું પણ થઇ શકે. શ્વેતાએ કહ્યું કે અનુ મલિક વર્ષોથી તેમના પરિવારને જાણતા હતા અને તેમના પિતા મધુહારીને પણ જાણતા હતા.

More Posts