Gandhinagar News: ગુજરાતમાં વરસાદનો અંતિમ રાઉન્ડ આવી ગયો છે. આજે સૌરાષ્ટ્ર અને દક્ષિણમાં વાદળછાયું વાતાવરણ રહેશે. સૌરાષ્ટ્રમાં યલો એલર્ટ અને દક્ષિણમાં ઓરેન્જ એલર્ટ આપવામાં આવ્યું છે. ભરૂચ, સુરત, નર્મદા, તાપી, નવસારીમાં ભારે વરસાદ પડશે.
વલસાડ, ડાંગ અને દમણમાં પણ ભારે વરસાદની સંભાવના છે. અમરેલી, ભાવનગર, વડોદરામાં છૂટોછવાયો વરસાદ પડશે. સપ્ટેમ્બર મહિનામાં સામાન્ય કરતાં વધુ વરસાદ પડશે. નોંધનીય છે કે ઓરિસ્સા અને આંધ્રપ્રદેશ પરના ડિપ્રેશનને કારણે આજે દક્ષિણ ગુજરાતમાં ભારે વરસાદની સંભાવના છે ત્યારે ગુજરાતમાં ફરી વરસાદ પડશે.
હવામાન વિભાગ દ્વારા આજે સવારે જાહેર કરેલા આગાહીના નોટિફિકેશન મુજબ આગામી 3 કલાકમાં બનાસકાંઠા, સાબરકાંઠા, અરવલ્લી, મહિસાગર, પંચમહાલ, દાહોદ, છોટાઉદેપુર, વડોદરા, ભરૂચ, નર્મદા, સુરત, તાપી, નવસારી, ડાંગ અને વલસાડમાં ગાજવીજ સાથે હળવોથી મધ્યમ વરસાદ થઇ શકે છે.
આથી સૌરાષ્ટ્ર સહિત કેટલાક વિસ્તારોમાં છુટોછવાયો વરસાદ થવાની સંભાવના છે. આજે 2 સપ્ટેમ્બરે ભરૂચ, સુરત, નર્મદા, તાપી, નવસારી, વલસાડ, દમણ, નગર હવેલી ડાંગમાં ઓરેન્જ એલર્ટ સાથે છૂટાછવાયા સ્થળોએ ભારેથી અતિભારે વરસાદની અપેક્ષા છે.
અમરેલી, ભાવનગર, આણંદ, વડોદરા, પંચમહાલ, છોટાઉદેપુર, દાહોદમાં યલો એલર્ટ અને છૂટાછવાયા વરસાદની અપેક્ષા છે. ત્રીજી સપ્ટેમ્બરે અમરેલી, ભાવનગર, આણંદ, વડોદરા, ભરૂચ, નર્મદામાં છૂટાછવાયા સ્થળોએ ભારે વરસાદની અપેક્ષા છે. આ સિવાય ઓરેન્જ એલર્ટ પણ છે.
ત્રીજી સપ્ટેમ્બરના રોજ રાજકોટ, સુરેન્દ્રનગર, બોટાદ, અમદાવાદ, ગાંધીનગર, ખેડા, પંચમહાલ, છોટાઉદેપુર, સુરત, તાપી, નવસારી, ડાંગ, વલસાડ, દમણ અને દાદરા નગર હવેલીમાં છૂટાછવાયા સ્થળોએ ભારે વરસાદની આગાહી અને યલો એલર્ટ છે.
ચોથી સપ્ટેમ્બરના રોજ વડોદરા, છોટાઉદેપુર, ભરૂચ, નર્મદા, સુરત. બનાસકાંઠા, પાટણ, મહેસાણા, સાબરકાંઠા પાંચમી સપ્ટેમ્બરે ભારે વરસાદની આગાહી સાથે યલો એલર્ટ પર છે. હવામાન વિભાગના નિયામક એકે દાસે જણાવ્યું હતું કે કચ્છમાંથી પસાર થયેલા ચક્રવાત આશનાની ગુજરાતમાં કોઈ અસર જોવા મળી નથી. ગુજરાતમાં ગઈકાલથી વરસાદનું જોર ઘટ્યું છે.
ચક્રવાત અંગે અપડેટ આપતા અંબાલાલ પટેલે જણાવ્યું હતું કે ચક્રવાત આશના પાકિસ્તાન તરફ આગળ વધે તે પહેલા ગુજરાતમાં સપ્ટેમ્બરમાં 3 થી 10 દિવસ સુધી વરસાદ થવાની સંભાવના છે. સપ્ટેમ્બરના બીજા સપ્તાહમાં ગુજરાતના કેટલાક ભાગોમાં ભારેથી અતિભારે વરસાદની સંભાવના છે. દક્ષિણ ગુજરાતના કેટલાક વિસ્તારોમાં ભારેથી અતિભારે વરસાદ પડી શકે છે. પૂર્વ ગુજરાતના કેટલાક વિસ્તારોમાં પણ વરસાદ પડી શકે છે. તેથી કેટલાક વિસ્તારોમાં પૂર જેવી સ્થિતિ સર્જાઈ શકે છે.
આ પણ વાંચો:હવામાન વિભાગની આગાહી, રાજ્યમાં ડીપ ડિપ્રેશનની સિસ્ટમ સર્જાતા રહેશે ધોધમાર વરસાદ
આ પણ વાંચો:IMDની આગાહી, રાજ્યોમાં ભારેથી અતિભારે વરસાદની સંભાવના, અપાયું રેડ એલર્ટ
આ પણ વાંચો:આગામી 5 દિવસ સાચવજો ગુજરાતીઓ! હવામાન વિભાગે જાહેર કરી દીધી આગાહી
