અમેરિકાના એક જાણીતા હિન્દુ સંગઠન પર ગંભીર આરોપો લગાવવામાં આવ્યા છે. એવો આરોપ છે કે તેણે ભારતીય મજૂરોને મંદિરોના નિર્માણમાં કામ કરવાની લાલચ આપી અને સેંકડો મજૂરોને ઓછા વેતન પર કામ કરવા દબાણ કર્યું છે ઉલ્લેખનીય છે કે આ વર્ષે મે મહિનામાં ભારતીય શ્રમિકોએ બોચાસણવાસી અક્ષર પુરુષોત્તમ સ્વામિનારાયણ સંસ્થા (BAPS) સામે આરોપ લગાવતા યુએસ ડિસ્ટ્રિક્ટ કોર્ટમાં કેસ દાખલ કર્યો હતો. જોકે, BAPSના અધિકારીઓએ કોઈપણ પ્રકારની ગેરરીતિનો ઈન્કાર કર્યો છે.
ન્યૂયોર્ક ટાઈમ્સે બુધવારે તેના અહેવાલમાં જણાવ્યું હતું કે BAPS પર એટલાન્ટા, શિકાગો, હ્યુસ્ટન અને લોસ એન્જલસ નજીકના મંદિરોમાં કામ કરવા માટે ભારતના કામદારોને લાલચ આપવાનો આરોપ છે. રોબિન્સવિલે, ન્યુ જર્સીમાં પણ તેને દર મહિને માત્ર USD 450 ચૂકવવામાં આવતા હતા. આ સાથે સેંકડો કામદારોનું શોષણ કરવાનો પણ આરોપ છે. મજૂરોને 2018ની આસપાસ ધાર્મિક વિઝા પર અમેરિકા લાવવામાં આવ્યા હતા.
ઈન્ડિયા સિવિલ વોચ ઈન્ટરનેશનલ (ICWI) સંસ્થાએ મે મહિનામાં પીટીઆઈને આપેલા નિવેદનમાં જણાવ્યું હતું કે 11 મેની વહેલી સવારે એફબીઆઈની આગેવાની હેઠળના દરોડામાં રોબિન્સવિલે, ન્યુ જર્સીના સ્વામિનારાયણ મંદિર સંકુલમાંથી લગભગ 200 કામદારોને બહાર કાઢવામાં આવ્યા હતા, “જેમાંથી મોટાભાગના દલિતો હતા , તે અમેરિકાનું સૌથી મોટું હિન્દુ મંદિર માનવામાં આવે છે. સંશોધિત ફરિયાદમાં, BAPS અધિકારીઓ પર “દેશના શ્રમ કાયદા અને છેતરપિંડી અને ભ્રષ્ટ સંગઠન અધિનિયમના નિષેધનું ઉલ્લંઘન કરવાનો આરોપ મૂકવામાં આવ્યો છે”,
