કર્ણાટકમાં શનિવારે એક મોટો અકસ્માત થયો હતો. શનિવારે સાંજે 4.30 વાગ્યે બેંગલુરુ શહેરના આનેકલ તાલુકામાં અટ્ટીબેલે ખાતે ફટાકડાના વેરહાઉસમાં ભીષણ આગ ફાટી નીકળી હતી. થોડી જ વારમાં આગ દુકાનમાં ફેલાઈ ગઈ હતી. આ અકસ્માતમાં 12 લોકોના મોત થયા હોવાનું કહેવાય છે. દુકાન માલિક સહિત અન્ય ચાર લોકો દાઝી ગયાના સમાચાર પણ છે. તેમની હોસ્પિટલમાં સારવાર ચાલી રહી છે. જેમાંથી એકની હાલત ગંભીર છે અને તેને બીજી હોસ્પિટલમાં રીફર કરવામાં આવ્યો છે.
મળતી માહિતી અનુસાર, ફાયર બ્રિગેડની 5 ગાડી દ્વારા આગ પર કાબુ મેળવવામાં આવ્યો. આગામી દિવાળીને ધ્યાનમાં રાખીને વેરહાઉસમાં ફટાકડાનો સંગ્રહ કરવામાં આવ્યો હતો. આગના કારણની તપાસ કરવામાં આવી રહી છે.
શું છે મામલો?
પ્રત્યક્ષદર્શીઓના જણાવ્યા અનુસાર, આ અકસ્માત ત્યારે થયો જ્યારે એક લારીમાંથી ફટાકડા ઉતારવામાં આવી રહ્યા હતા. આ અકસ્માતમાં લગભગ 12 લોકોના મોત થયા છે. ઘટનાની જાણ થતાં જ પોલીસ અને ફાયરના જવાનો ઘટના સ્થળે પહોંચી ગયા હતા. ઘણી મહેનત કરવા છતાં આગ પર કાબુ મેળવી શકાયો ન હતો. જણાવવામાં આવી રહ્યું છે કે ફટાકડાના ગોદામમાં લગભગ 20 કર્મચારીઓ હતા. અકસ્માત સમયે ચાર કર્મચારીઓ જીવ બચાવીને નાસી છૂટવામાં સફળ રહ્યા હતા.
આ ઘટનામાં દુકાન માલિકનું મોત
ઘટના અંગે બેંગલુરુ રૂરલ એસપી મલ્લિકાર્જુન બાલાદંડીએ જણાવ્યું હતું કે બાલાજી ક્રેકર્સ વેરહાઉસમાં કેન્ટર વાહનમાંથી ફટાકડા ઉતારતી વખતે આ અકસ્માત થયો હતો. હાલ 80 ટકા આગ પર કાબુ મેળવી લેવામાં આવ્યો છે. આ ઘટનામાં દુકાન માલિકનું મોત થયું હતું. પોલીસે જણાવ્યું કે આ દુર્ઘટના એથિબેલે બોર્ડર પર સ્થિત બાલાજી ક્રેકર્સ ફટાકડાના વેરહાઉસમાં થઈ હતી. તેના માલિકની ઓળખ નવીન તરીકે થઈ હતી. અકસ્માતમાં મૃતકની ઓળખ મેળવવાના પ્રયાસો કરવામાં આવી રહ્યા છે.
આ પણ વાંચો: Israel Hamas Attack/ ઈઝરાયલમાં ફસાયેલી અભિનેત્રી ‘નુસરત ભરુચા’ને લઈને આવ્યું મોટું અપડેટ
આ પણ વાંચો: Naked Corpses Parade/ ઇઝરાયલી મહિલા સૈનિકના મૃતદેહની નગ્ન પરેડ, અલ્લાહુ અકબરના ધાર્મિક નારા સાથે પેલેસ્ટિનિયન આતંકવાદીઓનો વીડિયો
આ પણ વાંચો: Bhavnagara/ કોંગ્રેસના પૂર્વ મહિલા નગરસેવકની અજાણ્યા શખ્સોએ કરી કણપીણ હત્યા
