કેનેડા અને અમેરિકાના ઓરેગોન શહેરમાં સળગતી ગરમી પડી રહી છે . આ ગરમીએ અત્યાર સુધીના તમામ રેકોર્ડ તોડી નાખ્યા છે. દરમિયાન પશ્ચિમ કેનેડામાં ગરમીની આ લહેર વચ્ચે આગ પણ ભભૂકી ઉઠતા ત્યાં ના લોકોનું સ્થળાંતર કરવા માં આવ્યું . બુધવારે મેયર જ્હોન પોલ્ડર્મનના નિવેદનમાં જણાવ્યું કે આગ ની ઘટના પ્રકૃતિ અને રહેવાસીઓની સલામતી માટે ખતરા રૂપ જોવા મળી હતી . વેનકુવરના ઉત્તર-પૂર્વમાં 250 કિલોમીટર સ્થિત લીટન ગામને બુધવારે રાત્રે ઝડપી ફેલાતા આગને કારણે ખાલી કરાવવામાં આવ્યું હતું.આ રેકોર્ડ તાપમાન 49.6 ડિગ્રી નોંધાયું હતું.
આરોગ્ય અધિકારીએ બુધવારે મોડી રાત્રે જણાવ્યું હતું કે શુક્રવારે ગરમીનું મોજું શરૂ થયું ત્યારથી રાજ્યના સૌથી મોટા કાઉન્ટી મલ્ટનોમહમાં 60 થી વધુ લોકો ગરમીના કારણે મરી ગયા છે અને 45 લોકોનાં મોત નીપજ્યાં છે. તે જ સમયે, કેનેડાના પશ્ચિમ પ્રાંતના બ્રિટીશ કોલમ્બિયાના મુખ્ય કોરોનર લિસા એ જણાવ્યું કે બુધવારે શુક્રવારથી બપોરે 1 વાગ્યાની વચ્ચે તેમની કચેરીમાં ઓછામાં ઓછા 486 અચાનક અને અણધારી મોત થયાના અહેવાલો પ્રાપ્ત થયા છે. જો કે ગરમીના કારણે આમાંથી કેટલા મોત થયા તે કહેવું બહુ અઘરું છે, પરંતુ એવું માનવામાં આવે છે કે વધારે ગરમીને કારણે મૃત્યુઆંકની સંખ્યા વધી રહી છે. વેનકુવર પોલીસ સાર્જન્ટ સ્ટીવ એડિસને જણાવ્યું હતું કે વેન કુવરમાં આટલી ગરમી ક્યારેય આવી નથી, લોકો આને કારણે મરી રહ્યા છે, જે ખૂબ જ દુખદ છે .
