Bangluru News : બેંગલુરુની એક કોર્ટે શુક્રવારે જનતા દળ (સેક્યુલર)ના સસ્પેન્ડેડ સાંસદ પ્રજ્વલ રેવન્નાને 7 દિવસની કસ્ટડીમાં મોકલી દીધા છે. સ્પેશિયલ ઈન્વેસ્ટિગેશન ટીમ (SIT) રેવન્ના સામેના યૌન શોષણના આરોપોની તપાસ કરી રહી છે. જજ કે.એન. શિવકુમારે આજે SIT દ્વારા દાખલ કરાયેલી અરજી પર રેવન્નાને 6 જૂન સુધી SIT કસ્ટડીમાં મોકલવાનો આદેશ આપ્યો હતો.SIT પ્રજ્વલની વિરૂદ્ધ યૌન ઉત્પીડનની તપાસ કરવા તેની પૂછપરછ કરશે. SITએ મેડિકલ તપાસ બાદ રેવન્નાને કોર્ટમાં રજૂ કર્યો હતો. કોર્ટે તેને 7 દિવસની પોલીસ કસ્ટડીમાં મોકલી આપ્યો હતો.

રેવન્નાની જર્મનીથી બેંગલુરુ પહોંચ્યા બાદ તરત જ ધરપકડ કરવામાં આવી હતી . રેવન્ના સામે મહિલાઓના યૌન શોષણના આરોપો છે. તેની સામે અત્યાર સુધીમાં ત્રણ કેસ નોંધાયા છે. કર્ણાટકની હસન લોકસભા સીટના સાંસદ પ્રજ્વલ રેવન્ના લોકસભા ચૂંટણી માટે તેમના મતવિસ્તારમાં મતદાન થયાના એક દિવસ પછી 27 એપ્રિલે જર્મની ભાગી ગયા હતા.

જ્યારે પ્રજ્વલ રેવન્ના ગુરુવારે મોડી રાત્રે બેંગલુરુ એરપોર્ટ પર ઉતર્યા, ત્યારે મહિલા IPS અધિકારીઓની આગેવાની હેઠળ મહિલા પોલીસકર્મીઓની એક ટીમ તેની સામે જારી કરાયેલ ધરપકડ વોરંટનો અમલ કરવા માટે તેની રાહ જોઈ રહી હતી. SITએ રેવન્ના જર્મનીથી અહીં આવ્યા પછી તરત જ તેની ધરપકડ કરી અને તેની પૂછપરછ કરી. કર્ણાટકના ગૃહ પ્રધાન જી પરમેશ્વરાએ શુક્રવારે જણાવ્યું હતું કે મહિલાઓની ઉત્પીડનનો સામનો કરી રહેલા પ્રજ્વલ રેવન્નાની પ્રક્રિયા પૂર્ણ થયા બાદ ધરપકડ કરવામાં આવી હતી અને આગળની કાનૂની કાર્યવાહી ચાલુ રહેશે.

આ પણ વાંચો: હાઈકોર્ટના તંત્રને વેધક સવાલો, ‘રાજ્યની મશીનરી ઉપર ભરોસો નથી’

આ પણ વાંચો: ગુજરાત છે ‘જ્વલનશીલ’, પાંચ વર્ષમાં આગે લીધો 3,176નો ભોગ

આ પણ વાંચો: રાજકોટમાં ગેમ ઝોન અગ્નિકાંડઃ સીએમ ભુપેન્દ્ર પટેલ લાલઘૂમ, છ અધિકારી સસ્પેન્ડ

આ પણ વાંચો: TRP ગેમિંગ ઝોનમાં માંડ મહિના પહેલા નોકરીએ લાગેલા બે કર્મચારીના મૃતદેહની ઓળખ થઈ