Pretty Zinta: ફિલ્મ ઈન્ડસ્ટ્રીમાં ‘ડિમ્પલ ગર્લ’ના નામથી જાણીતી પ્રીતિ ઝિન્ટાની ફેન ફોલોઈંગ ખૂબ જ મોટી છે. બોલિવૂડની આ અભિનેત્રી આજે 48 વર્ષની થઈ ગઈ છે. અભિનેત્રીના ચાહકો તેની ફિલ્મોને ખૂબ જ દિલથી જોવાનું પસંદ કરે છે. જો તમે પણ ‘ડિમ્પલ ગર્લ’ મૂવી જોવાના શોખીન છો, તો OTT પ્લેટફોર્મ પર ઉપલબ્ધ પ્રીતિ ઝિન્ટાની ‘વીર ઝારા’ થી લઈને ‘કોઈ મિલ ગયા’ સુધી, આ શાનદાર ફિલ્મોનો આનંદ લઈ શકો છો.
વીર ઝારા
યશ ચોપરા દ્વારા નિર્દેશિત આ ફિલ્મમાં પ્રીતિ ઝિન્ટા(Pretty Zinta)એ ‘ઝારા હયાત ખાન’નું પાત્ર ભજવીને તેના ચાહકોને ખુશ કર્યા હતા. આ ફિલ્મમાં પ્રીતિએ શાહરૂખ ખાન સાથે રોમાન્સ કર્યો હતો. પ્રેક્ષકોનો ફિલ્મને ખુબ પ્રેમ મળ્યો. પ્રીતિ ઝિન્ટાના ચાહકો તેની આ ફિલ્મ પ્રાઈમ વીડિયો પર જોઈ શકે છે.
ચોરી ચોરી ચૂપકે ચુપકે
વર્ષ 2001માં આવેલી સલમાન ખાન સાથેની આ ફિલ્મમાં પ્રીતિ ઝિન્ટા(Pretty Zinta)એ ધમાલ મચાવી હતી. આ ફિલ્મમાં અભિનેત્રીએ એક કોલગર્લની અદ્ભુત એક્ટિંગ કરીને તેના ચાહકોનું દિલ જીતી લીધું હતું. OTT દર્શકો પ્રાઇમ વિડિયો પર ‘ચોરી ચોરી ચૂપકે ચુપકે’ માણી શકે છે.
કલ હો ના હો
આ ફિલ્મમાં પ્રીતિ ઝિંટાએ શાનદાર અભિનય કર્યો હતો. આ ફિલ્મ માટે પ્રીતિ ઝિન્ટાને શ્રેષ્ઠ અભિનેત્રીનો ફિલ્મફેર એવોર્ડ પણ મળ્યો હતો. ફિલ્મમાં દર્શકોને પ્રીતિ ઝિન્ટા અને શાહરૂખ ખાનની નોક ઝોક પસંદ આવી હતી. નેટફ્લિક્સ પર આ ફિલ્મ જોઇ શકાશે.
ધ હીરોઃ લવ સ્ટોરી ઓફ અ સ્પાય
આ ફિલ્મમાં અભિનેત્રીનો કાશ્મીરી યુવતિનો રોલ દર્શકોને ખૂબ જ પસંદ આવ્યો હતો. આ સાથે પ્રીતિ ઝિન્ટાને આ ફિલ્મમાં ડિટેક્ટીવ તરીકે જોઈને ચાહકો ખુશ થયા હતા. જે લોકો આ ફિલ્મ જોવા ઇચ્છતા હોય તેઓ યુટ્યુબ પર જોઈ શકે છે.
કોઈ મિલ ગયા
પ્રાઇમ વિડિયો પર ઉપલબ્ધ પ્રીતિ ઝિન્ટા અને રિતિક રોશનની જોડીએ આ ફિલ્મમાં બોક્સ ઓફિસ પર ધમાલ મચાવી હતી. આ સાથે ફિલ્મમાં અભિનેત્રીનું કામ પણ ઘણું પસંદ કરવામાં આવ્યું હતું.