વડાપ્રધાન નરેન્દ્ર મોદી જી-7 સમિટમાં ભાગ લેવા માટે જર્મની પહોંચ્યા છે. નરેન્દ્ર મોદીનું જર્મનીના મ્યુનિક એરપોર્ટથી હોટલ સુધી ભવ્ય સ્વાગત કરવામાં આવ્યું હતું. નરેન્દ્ર મોદીના સ્વાગત માટે ભારતીય સમુદાયના સેંકડો લોકો હોટલની બહાર એકઠા થયા હતા. નરેન્દ્ર મોદીને જોતા જ લોકો મોદી..મોદી..ના નારા લગાવવા લાગ્યા. નરેન્દ્ર મોદીને આવકારવા મહિલાઓ ભારતીય કપડા પહેરીને આવી હતી. નાના બાળકો પણ પૂરા ઉત્સાહ સાથે નરેન્દ્ર મોદીનું સ્વાગત કરી રહ્યા હતા. હાથમાં ત્રિરંગો ઝંડો પકડેલા લોકોને જોઈ નરેન્દ્ર મોદી તેમની પાસે ગયા.

વડાપ્રધાનને આવકારવા આવેલા લોકોનો ઉત્સાહ વધુ વધ્યો હતો. લોકોએ કહ્યું કે મોદીજી તમારું સ્વાગત છે. આ દરમિયાન એક મહિલા  PM નરેન્દ્ર મોદીને પગે લાગી હતી. વડા પ્રધાને તેમના માથા પર હાથ રાખીને આશીર્વાદ આપ્યા હતા. જ્યારે મહિલાએ હિન્દીમાં ‘વેલકમ મોદીજી’ કહ્યું ત્યારે વડાપ્રધાન ખૂબ જ ખુશ થયા. તેણે કહ્યું કે તમે હિન્દી શીખ્યા છો. આ દરમિયાન નરેન્દ્ર મોદી નાના બાળકોને પણ મળ્યા અને તેમને વહાલા કર્યા.

નરેન્દ્ર મોદી જી-7 સમિટમાં ભાગ લેશે
જણાવી દઈએ કે વડાપ્રધાન નરેન્દ્ર મોદી વિશ્વના સૌથી ધનિક દેશોના સમૂહ G-7ના સમિટમાં ભાગ લેવા આવ્યા છે. આ જૂથમાં યુનાઇટેડ સ્ટેટ્સ, બ્રિટન, ફ્રાન્સ, જર્મની, ઇટાલી, જાપાન અને કેનેડાનો સમાવેશ થાય છે. G7 સમિટમાં ભારત ઉપરાંત જર્મનીએ આર્જેન્ટિના, ઈન્ડોનેશિયા, સેનેગલ અને દક્ષિણ આફ્રિકાને મહેમાન તરીકે આમંત્રિત કર્યા છે.

https://www.facebook.com/100017839231373/videos/564400601725879/

આસ્થા / કેળાના ઝાડમાં ગંગાજળ ચઢાવો, મળશે મનવાંછિત ફળ