મુંબઈ G-7 સમિટમાં ભાગ લેવા માટે જર્મનીના મ્યુનિક પહોંચેલા વડાપ્રધાન નરેન્દ્ર મોદીનું મેઘધનુષી સ્વાગત કરવામાં આવ્યું હતું. આકાશમાં વાદળોના ગડગડાટ વચ્ચે નરેન્દ્ર મોદીનું વિશેષ વિમાન શનિવારે મ્યુનિક એરપોર્ટ પર પહોંચ્યું હતું. નરેન્દ્ર મોદી જ્યારે પ્લેનમાંથી બહાર આવ્યા ત્યારે આકાશમાં મેઘધનુષ્ય દેખાયું.

જર્મનીના બાવેરિયન બેન્ડે તેમના પરફોર્મન્સથી તેમનું સ્વાગત કર્યું. જ્યારે નરેન્દ્ર મોદી એરપોર્ટથી હોટલ પહોંચ્યા ત્યારે ત્યાં સેંકડો લોકો તેમના સ્વાગત માટે એકઠા થયા હતા. મોદીના આગમનની સાથે જ હોટલ પરિસરમાં ‘ભારત માતા કી જય’ના નારા ગુંજી ઉઠ્યા હતા. પ્રવાસી ભારતીયોએ PM મોદીનું સ્વાગત કરીને ત્રિરંગો ધ્વજ લહેરાવ્યો હતો.

https://www.instagram.com/reel/CfQlwGPIs_J/?utm_source=ig_embed&ig_rid=11392bbb-fbb2-450c-9635-d09ea8806087

બાળકોએ પીએમનું સ્વાગત કર્યું
હોટલમાં વડાપ્રધાનનું સ્વાગત કરવા માટે ઘણા બાળકો તેમના માતા-પિતા સાથે આવ્યા હતા. વડાપ્રધાને ત્યાં હાજર બાળકો સાથે વાતચીત કરી. એક બાળકે પીએમને પોતે બનાવેલો ભારતીય ધ્વજનો સ્કેચ બતાવ્યો. આ પછી તેણે બાળકને ઓટોગ્રાફ આપ્યો. વડાપ્રધાનનું સ્વાગત કરવા આવેલી એક મહિલાએ કહ્યું કે હું પીએમ મોદીને મળવા માટે ખૂબ જ ઉત્સાહિત છું. તેઓ આજે બપોરે ભારતીય સમૂહ ને સંબોધશે.

જણાવી દઈએ કે G7 સમિટમાં ભાગ લેવા માટે નરેન્દ્ર મોદી મ્યુનિક પહોંચ્યા છે. તે G7 અને ભાગીદાર દેશો સાથે બેઠક કરશે અને અન્ય મુદ્દાઓ ઉપરાંત ઊર્જા અને આતંકવાદ પર ચર્ચા કરશે. G7ની બેઠક 26 જૂનથી 27 જૂન દરમિયાન યોજાઈ રહી છે. પીએમ મોદી ભારતીય ડાયસ્પોરા સાથે પણ વાતચીત કરશે.