ગૂગલે તેના નિયમોમાં ફેરફાર કર્યો છે. આર્ટિફિશિયલ ઈન્ટેલિજન્સની મદદથી ગૂગલના નિયમોને બાયપાસ કરીને અશ્લીલતાને પ્રોત્સાહન આપવામાં આવ્યું હતું, જેને લઈને ગૂગલે તેના નિયમોમાં ફેરફાર કર્યો છે. વાસ્તવમાં, ગૂગલે તેની જાહેરાત નીતિમાં કડક જોગવાઈઓ કરી છે, જે કોઈપણ વપરાશકર્તાઓને પોર્ન વીડિયો અથવા ફોટાનો પ્રચાર કરતા અટકાવે છે. સાથે જ AI એપ્સની મદદથી બનેલા ફોટા અને વીડિયો પર પણ પ્રતિબંધ લગાવી દેવામાં આવ્યો છે.
ગૂગલનો નવો નિયમ ક્યારે અમલમાં આવશે?
ગૂગલનો નવો નિયમ 30 મે, 2024થી દેશભરમાં લાગુ થશે. આ પછી, જો કોઈ જનરેટેડ ડીપફેક પોર્ન વીડિયો બનાવશે, તો તેની સામે કડક કાર્યવાહી કરવામાં આવશે. સરળ શબ્દોમાં કહીએ તો, જાતીય ઉશ્કેરણીજનક સામગ્રી પ્રદાન કરતી સાઇટ્સ અને એપ્લિકેશનો સામે પગલાં લેવામાં આવશે.
ગૂગલના નિયમોનું ઉલ્લંઘન કરવા પર શું થશે સજા?
જો કોઈ નિયમોનું ઉલ્લંઘન કરતું જોવા મળે છે, તો આવી એપ્લિકેશન્સ, વેબસાઇટ્સ અને પોસ્ટ્સને કોઈપણ ચેતવણી વિના તરત જ સસ્પેન્ડ કરવામાં આવશે.
ગૂગલે આવું પગલું કેમ ભરવું પડ્યું?
ગૂગલના જણાવ્યા અનુસાર પોર્નોગ્રાફિક કન્ટેન્ટ બનાવવા માટેના ટૂલ્સ અને એપ્સ માર્કેટમાં સરળતાથી ઉપલબ્ધ હતા. તેમનો દુરુપયોગ પણ થતો હતો. આવી એપ્સ ગૂગલ પ્લે સ્ટોર પર ખોટા નામથી લિસ્ટ કરવામાં આવી હતી.ગૂગલે સેક્સ્યુઅલ કન્ટેન્ટ બતાવવા માટે તેના નિયમોમાં ફેરફાર કર્યો છે. આ માટે ગૂગલે એવી સેવાઓ પર પ્રતિબંધ લગાવવાનું શરૂ કર્યું છે જે શોપિંગ એડ દરમિયાન એડલ્ટ ડીપફેક બનાવે છે. ગૂગલના વાર્ષિક એડ સેફ્ટી રિપોર્ટ અનુસાર, 2023માં ગૂગલે એડલ્ટ કન્ટેન્ટ પોલિસીના ઉલ્લંઘન માટે 1.8 બિલિયનથી વધુ જાહેરાતો દૂર કરી છે.
આ પણ વાંચો:અઝીમ પ્રેમજીની કંપની વિપ્રોની મોબાઈલ કંપની નોકિયા સાથે થઈ મોટી Deal
આ પણ વાંચો:WhatsAppએ ભારતમાં ત્રણ મહિનામાં 22 કરોડ એકાઉન્ટ પર લગાવ્યો પ્રતિબંધ, તમે પણ બની શકો છો શિકાર
આ પણ વાંચો:પાસપોર્ટ મેળવવો થયો સરળ, ડોક્યુમેન્ટ સાથે રાખ્યા વગર થશે કામ, જાણો આ નવો નિયમ
