Stock Market: ભારતીય શેરબજાર (Stock Market)ની શરૂઆતે આજે સારો ઉછાળો જોવા મળ્યો છે અને કન્ઝ્યુમર ડ્યુરેબલ્સ શેર (0.72 ટકા)ની સારી વૃદ્ધિથી બજારને ટેકો મળ્યો છે. આજે નિફ્ટીના તમામ ક્ષેત્રીય સૂચકાંકો ઉછાળા સાથે લીલા નિશાનમાં ટ્રેડ થઈ રહ્યા છે. બજાર ખુલતાની સાથે જ નિફ્ટીએ 25,000ની મહત્વની સપાટી વટાવી દીધી હતી. આ સાથે પીએસયુ બેંક, ફાર્મા, મેટલ, ઓટો જેવા સેક્ટર પણ ઝડપી ગતિએ કારોબાર કરી રહ્યા છે.
બજારની શરૂઆત કેવી રહી?
બીએસઈનો સેન્સેક્સ 209.18 પોઈન્ટ અથવા 0.26 ટકાના સારા ઉછાળા સાથે 81,768.72 પર ખુલ્યો હતો અને એનએસઈનો નિફ્ટી 63.00 પોઈન્ટ અથવા 0.25 ટકાના નજીવા વધારા સાથે 24,999.40 પર ખુલ્યો હતો.
સેન્સેક્સના શેરમાં હરિયાળી દેખાય
BSE સેન્સેક્સના 30 માંથી 22 શેરો ખુલતા સમયે ઉછાળો જોઈ રહ્યા છે અને ઈન્ફોસિસ ટોચ પર છે. આ પછી ટેક મહિન્દ્રા, એક્સિસ બેંક, પાવરગ્રીડ, એચસીએલ ટેક, ટાટા મોટર્સના શેર છે. ઘટી રહેલા આઠ શેરોમાં એમએન્ડએમ, એશિયન પેઇન્ટ્સ, એચયુએલ, ટાઇટન, આઇટીસી અને રિલાયન્સ ઇન્ડસ્ટ્રીઝના શેરમાં સૌથી વધુ ઘટાડો જોવા મળી રહ્યો છે.
માર્કેટ ઓપનિંગના સમયે, HUL NSE પર ટોપ ગેઇનર રહ્યું છે અને તેના 50 શેરમાંથી 32 શેર ઉછાળા સાથે ટ્રેડ થઈ રહ્યા છે, જ્યારે 18 શેર્સ ઘટાડા સાથે ટ્રેડ થઈ રહ્યા છે. આજે સ્થાનિક શેરબજારની પ્રી-ઓપનિંગમાં BSE સેન્સેક્સ 133.17 પોઈન્ટ અથવા 0.16 ટકાના વધારા સાથે 81,692.71 પર ટ્રેડ કરી રહ્યો હતો. શેરબજારના પ્રિ-ઓપનિંગથી જ બજાર તેજીથી ખુલવાના સંકેતો હતા. શેરબજારના માર્કેટ કેપ પર નજર કરીએ તો ગઈકાલે સ્થાનિક શેરબજારનું માર્કેટ કેપ 459.99 લાખ કરોડ રૂપિયા હતું. આજે તેમાં સારી વૃદ્ધિ જોવા મળી રહી છે અને તે 462.82 લાખ કરોડ રૂપિયા પર આવી ગઈ છે. આ આંકડો માત્ર શરૂઆતની મિનિટો માટે છે.
આ પણ વાંચો: શેરબજારમાં આજે જોરદાર ઘટાડો, સેન્સેક્સ અને નિફ્ટી નીચી સપાટીએ થઈ રહ્યા છે ટ્રેડ
આ પણ વાંચો: શેરબજારમાં આજે તેજીનો માહોલ, સેન્સેક્સ 82,400 અને નિફ્ટી 25,240 ના સ્તર પર
આ પણ વાંચો:ગૂગલે લોન્ચ કર્યું નવુ ફિચર, લોસ ઓફ પલ્સ ડિટેક્શન ફીચર બચાવશે લોકોનો જીવ
