Gujarat Weather News: પવનની દિશા બદલાતા ગુજરાતમાં હાલ તાપમાન ઘટ્યું છે. મોટાભાગના જિલ્લાઓના તાપમાનમાં 2થી 3 ડિગ્રીનો ઘટાડો થયો છે. કમોસમી વરસાદ પડવાથી હવામાન બદલાઈ શકે છે. ખેતરમાં આંબાના મોર પણ ઊતરી શકે છે. ભીષણ ગરમી (Heatwave)માં માવઠા (Unseasonal Rainfall)થી રાહત થશે પરંતુ ખેડૂતોના પાકને મોટું નુકસાન પણ થવાની સંભાવના છે. ગુજરાતમાં થોડા દિવસ પહેલા જ ઠંડી (Cold weather)નો ચમકારો જોવા મળ્યો હતો. પરંતુ બેવડી ઋતુના કારણે લોકોના સ્વાસ્થ્ય પર માઠી અસર પડી રહી છે. સૌરાષ્ટ્ર અને કચ્છના વિસ્તારોમાં હવામાન વિભાગે યલો એલર્ટ (Yellow Alert) જારી કર્યુ છે.
IMD મુજબ, આગામી 2-3 દિવસ દરમિયાન સૌરાષ્ટ્ર-કચ્છના વિવિધ ભાગોમાં મહત્તમ તાપમાન 39-41 ડિગ્રી સેલ્સિયસ સુધી પહોંચી શકે છે. આ કારણે આ વિસ્તારોમાં ગરમીનું મોજું આવવાની શક્યતા છે. આના કારણે, 15 માર્ચથી 19 માર્ચ દરમિયાન દક્ષિણ ગુજરાતનાં પ્રદેશોમાં, ખાસ કરીને સૌરાષ્ટ્ર અને કચ્છના દરિયાકાંઠાના વિસ્તારોમાં ગરમ અને ભેજવાળા પવનો ફૂંકાય તેવી શક્યતા છે. જેના કારણે લોકોને મુશ્કેલીઓનો સામનો કરવો પડી શકે છે.
હવામાન વિભાગ (IMD)ની આગાહી મુજબ ગુજરાતમાં મહત્તમ તાપમાન 40 ડિગ્રીની આસપાસ રહી શકે છે. 19 એપ્રિલ બાદ રાજ્યમાં ગરમીનો પારો ઊંચે જઈ શકે છે. 10 મેની આસપાસ દરિયાકાંઠે ભારે પવન ફૂંકાય તેવી શક્યતા છે. ભારે પવન સાથે ભારે વાવાઝોડાની શક્યતા પણ વ્યક્ત કરવામાં આવી છે. વધુમાં 20 માર્ચથી ગરમીથી શેકાવા તૈયાર રહેવું પડશે.
સૌથી વધુ તાપમાન રાજકોટમાં 37.8 ડિગ્રી નોંધાયું છે, અમદાવાદમાં 36.7 ડિગ્રી, ગાંધીનગરમાં 36.5 ડિગ્રી, ડીસામાં 36.7 ડિગ્રી, વડોદરામાં 37.4 ડિગ્રી, સુરતમાં 36.2 ડિગ્રી, ભુજમાં 36.1 ડિગ્રી, અમરેલીમાં 37.8 ડિગ્રી, પોરબંદરમાં 35 ડિગ્રી, ભાવનગરમાં 35.7 ડિગ્રી, સુરેન્દ્રનગરમાં 37.5 ડિગ્રી, મહુવામાં 37.2 ડિગ્રી, કેશોદમાં 37.6 ડિગ્રી તાપમાન નોંધાયું છે.
આ પણ વાંચો:આગામી 2 દિવસ ગુજરાતમાં પડશે આકરી ગરમી, IMDએ જારી કર્યુ યલો એલર્ટ
આ પણ વાંચો:ગુજરાતમાં ગરમીની ‘હીટ માર્ચ’ : મોટાભાગના વિસ્તારોમાં 40થી ઉપર તાપમાન
