ઉત્તર-પૂર્વીય ભારતીય રાજ્ય મણિપુરમાં લાંબા સમયથી ચાલી રહેલી હિંસા હજુ સુધી અટકી નથી. જો કે કેન્દ્ર સરકાર હવે આ મુદ્દે એક્શન મોડમાં આવી છે. કેન્દ્રીય ગૃહ પ્રધાન અમિત શાહે સોમવારે મણિપુરની સ્થિતિને લઈને ગૃહ મંત્રાલયમાં એક મહત્વપૂર્ણ બેઠક યોજી હતી. તમને જણાવી દઈએ કે આ પહેલા ગૃહમંત્રી ગઈકાલે મણિપુરના રાજ્યપાલને પણ મળ્યા હતા. માનવામાં આવે છે કે આ બેઠકમાં હિંસા ખતમ કરવા માટે કોઈ મોટો નિર્ણય લેવામાં આવી શકે છે.
આર્મી ચીફ પણ પહોંચ્યા
મણિપુરની સ્થિતિને લઈને ગૃહ મંત્રાલયમાં યોજાયેલી બેઠકમાં ભારતીય સેના પ્રમુખ જનરલ મનોજ પાંડે, આગામી આર્મી ચીફ લેફ્ટનન્ટ જનરલ ઉપેન્દ્ર દ્વિવેદી, મણિપુરના ડીજીપી રાજીવ સિંહ, પૂર્વ સીઆરપીએફ વડા અને મણિપુર સરકારના સુરક્ષા સલાહકાર કુલદીપ સિંહ અને અન્ય ઘણા વરિષ્ઠ અધિકારીઓ સામેલ થયા હતા. હાજર રહ્યા હતા. જો કે આ બેઠકમાં મણિપુરના સીએમ એન બિરેન સિંહ હાજર રહ્યા ન હતા.
મણિપુરમાં પરિસ્થિતિ સુધારવા પર વિચાર મંથન
ગૃહમંત્રી અમિત શાહે આજે મણિપુરમાં સુરક્ષાની સ્થિતિની સમીક્ષા કરવા માટે એક ઉચ્ચ સ્તરીય બેઠકની અધ્યક્ષતા કરી હતી. આ બેઠક લગભગ દોઢ કલાક સુધી ચાલી હતી. આ બેઠકમાં મણિપુરમાં સ્થિતિ સુધારવા અંગે ચર્ચા થઈ હતી. એનસીઆરબીના ડીજી વિવેક ગોગિયા પણ બેઠકમાં ગૃહ મંત્રાલય પહોંચ્યા હતા.
આ પણ વાંચો: PM મોદીની પોપ ફ્રાન્સિસ સાથેની મુલાકાત પર કેરળ કોંગ્રેસે ટીપ્પણી કર્યા બાદ માંગી માફી
આ પણ વાંચો: ચૂંટણી પંચનું વલણ નિષ્પક્ષ રહ્યું નથી, કપિલ સિબ્બલે જણાવી દીધી વિપક્ષની આગળની રણનીતિ
આ પણ વાંચો: ભાજપના કાર્યાલય પાસે બોમ્બ જેવી વસ્તુ મળતા ખળભળાટ, પોલીસ કરશે તપાસ
