મહારાષ્ટ્રના સંભાજી નગરમાં એક ભયાનક માર્ગ અકસ્માત થયો છે. જણાવવામાં આવી રહ્યું છે કે આ દુર્ઘટના સમૃદ્ધિ એક્સપ્રેસ વે પર રાત્રે લગભગ 1 વાગ્યાની આસપાસ થઈ હતી. જેમાં ટેમ્પો ટ્રાવેલર અને ટ્રક વચ્ચે જોરદાર ટક્કર થઈ હતી. પોલીસે આ માહિતી આપી હતી. તમને જણાવી દઈએ કે મહારાષ્ટ્રના છત્રપતિ સંભાજીનગર જિલ્લો પહેલા ઔરંગાબાદ તરીકે ઓળખાતો હતો.
એક પોલીસ અધિકારીએ જણાવ્યું કે ટેમ્પો ટ્રાવેલરમાં 35 મુસાફરો હતા. તેમણે કહ્યું કે મુંબઈથી લગભગ 350 કિલોમીટર દૂર આવેલા જિલ્લાના એક્સપ્રેસ વેના વૈજાપુર વિસ્તારમાં સવારે 12.30 વાગ્યે આ અકસ્માત થયો હતો.
માહિતી અનુશાર આ રોડ અકસ્માતમાં 12 લોકોના મોત થયા છે જ્યારે 23 લોકો ઘાયલ થયા છે. મૃતકોમાં પાંચ પુરૂષ, છ મહિલાઓ અને એક સગીર છોકરીનો સમાવેશ થાય છે. ઘાયલ થયેલા તમામ લોકોને સંભાજી નગરની વેલી હોસ્પિટલમાં દાખલ કરવામાં આવ્યા છે.
પોલીસે જણાવ્યું કે ટેમ્પો ટ્રાવેલરે કાબુ ગુમાવ્યો હતો. જેના કારણે તેણી પાછળથી આવતી ટ્રક સાથે અથડાઈ હતી.
આ પણ વાંચો :israel hamas war/એર ઈન્ડિયાએ આ તારીખ સુધી ઇઝરાયલની ફ્લાઇટ રદ કરી!
આ પણ વાંચો :Ioc Session/પીએમ મોદીએ પાકિસ્તાન સામેની જીત બદલ ટીમ ઈન્ડિયાને અભિનંદન પાઠવ્યા
આ પણ વાંચો :Garbo Song/નવરાત્રીના એક દિવસ પહેલા PM મોદીએ લખેલું ‘ગરબો’ ગીત રિલીઝ, જુઓ વીડિયો
