રવિ દહિયા ટોક્યો ઓલિમ્પિકમાં પુરુષોની ફ્રી સ્ટાઇલ 57 કિલો વજન વર્ગની ફાઇનલમાં પહોંચનાર બીજા ભારતીય કુસ્તીબાજ બન્યા છે. લંડન ઓલિમ્પિકમાં સુશીલ કુમારનાં સિલ્વર મેડલ બાદ પ્રથમ વખત ભારતીય કુસ્તીબાજ કુસ્તીની ફાઇનલમાં પહોંચ્યો છે.
આ પણ વાંચો – Tokyo Olympic 2021 / મનિકા બત્રાએ ટોક્યોમાં ઈતિહાસ રચ્યો, હવે કારણ બતાવો નોટિસ પાઠવવામાં આવી
આ પહેલા સેમિફાઇનલ મેચમાં કઝાકિસ્તાનનાં નૂરઇસ્લામ સાનાયેવને હરાવ્યા બાદ તેઓએ ફાઇનલમાં પ્રવેશ કરીને ભારત માટે વધુ એક મેડલ સુનિશ્ચિત કર્યો છે. વળી, મેચની અંતિમ મિનિટમાં, તેણે કઝાકિસ્તાનનાં કુસ્તીબાજનાં પગ પર હુમલો કર્યો હતો અને તે પછી તેણે તેના મજબૂત હાથમાં વિપક્ષી ખેલાડીને પકડી લીધો હતો. વળી, વિરોધી કુસ્તીબાજ પકડમાંથી બહાર આવવા માટે રવિને બચકુ ભરવા લાગ્યો, પરંતુ હરિયાણવી છોરાએ પણ જીતવા માટે મક્કમતા બતાવી હતી. રવિ દહિયાએ પોતાની તાકાત ગુમાવી નહીં અને લડાઈને પોતાના નામે કરી. ફોટોમાં તેના જમણા હાથ પર ઉંડા કરડવાનાં નિશાન જોવા મળ્યા છે.
આ પણ વાંચો – Tokyo Olympic 2021 / કુશ્તીમાં થયો મોટો ઉલટફેર, વિનેશ ફોગાટ ક્વાર્ટર ફાઈનલમાં હારી
આ ક્ષણની તસવીરો સોશિયલ મીડિયા પર વાયરલ થઈ રહી છે. લોકો સાનાયેવની ટીકા કરી રહ્યા છે. વાત પણ સાચી છે. સામે હાર જોઈને, રમતની ભાવના ક્યાં છે? ભારતનાં કુસ્તીબાજ રવિ કુમાર દહિયા આજે ઈતિહાસ રચવા ઉતરશે. રવિ દહિયાએ સેમીફાઇનલમાં જે રીતે કઝાકિસ્તાનનાં કુસ્તીબાજ સામે રમત બતાવી હતી, તેનાથી લાગે છે કે તે ભારત માટે કુસ્તીમાં ગોલ્ડ જીતનાર પ્રથમ કુસ્તીબાજ બનીને ભારતીય રમત જગતમાં હંમેશા માટે અમર બનવા માંગે છે.
આ પણ વાંચો – Tokyo Olympic 2021 / ભારતીય પુરુષ હોકી ટીમે ઈતિહાસ રચ્યો, 4 દશકનાં દુષ્કાળને ખતમ કર્યો
પુરૂષોની ફ્રી સ્ટાઇલ 57 કિમીની સેમિફાઇનલ મુકાબલામાં પાછળ ચાલી રહેલા, રવિએ પોતાના અને દેશ માટે સિલ્વર મેડલ મેળવ્યો કારણ કે તેણે ફાઇનલમાં પ્રવેશ માટે કઝાકિસ્તાનનાં નુરીસ્લામ સાનાયેવને હરાવ્યો હતો, પરંતુ તેના ઇરાદાઓ હજુ અટક્યા નથી અને તે ગોલ્ડ જીતવાની આશા સાથતે આજે ઉતરશે. લંડન ઓલિમ્પિકમાં સુશીલ કુમારે કુસ્તીમાં સિલ્વર મેડલ જીત્યો છે. રવિ દહિયા હજી વધુ આગળ વધવા માંગે છે પરંતુ આ માટે તેણે ફાઇનલમાં રશિયાનાં ઝાયુર ઉગયેવનો પડકાર સમાપ્ત કરવો પડશે. જો કે, રવિ માટે આ મેચ સરળ રહેશે નહીં કારણ કે ઉગયેવ બે વખતનાં વિશ્વ ચેમ્પિયન (2018, 2019) છે અને જે માને છે કે સફળતા 99 ટકા સખત મહેનત અને એક ટકા પ્રતિભા પર આધારિત છે. વર્ષ (2019) જેમાં ઉગયેવે નુર સુલતાનમાં વર્લ્ડ ચેમ્પિયનશિપ ગોલ્ડ જીત્યો હતો, રવિ દહિયાએ તે જ વર્ષે આ કેટેગરીમાં બ્રોન્ઝ જીત્યો હતો. તે વર્તમાન એશિયન ચેમ્પિયન (2020, 2021) અને U23 વર્લ્ડ ચેમ્પિયનશિપ (2018) નો સિલ્વર મેડલ વિજેતા છે.
