માન્ચેસ્ટરનાં ઑલ્ડ ટ્રેફર્ડ મેદાન પર મંગળવારનાં ભારત અને ન્યૂઝીલેન્ડ વચ્ચેની આઈસીસી વિશ્વ કપ 2019ની પહેલી સેમિ-ફાઇનલમાં વરસાદ વિલન બન્યો છે. વરસાદ પડતા મેચ હાલ થંભી ગઇ છે અને મેચ અટકાઇ ત્યારે ન્યૂઝીલેન્ડનો સ્કોર 46.1 ઑવરમાં 5 વિકેટે 211 હતો. રોસ ટેલર 67 રન અને ટૉમ લેથમ 3 રન બનાવીને રમી રહ્યા છે.

આપને જણાવી દઇએ કે ન્યૂઝીલેન્ડે આ મેચમાં ટૉસ જીતીને બેટિંગ પસંદ કરી હતી, પરંતુ ભારતીય બૉલરો સામે ન્યૂઝીલેન્ડ સારી બેટિંગ કરી શક્યું નહીં અને તેની રમત ઘણી જ ધીમી રહી હતી. હવે જો વરસાદ રોકાય નહી અને ફરી ન્યૂઝીલેન્ડને બેટીંગ કરી 50 ઓવર રમવાની તક નથી મળતી, તો ભારતને ડકવર્થ લુઇસ સિસ્ટમ પ્રમાણે 46 ઑવરમાં 237 રનનો ટાર્ગેટ મળશે. વરસાદ થોડાક સમય માટે રોકાય છે તો ભારતીય ઇનિંગની કેટલીક ઑવર્સ ઓછી કરવામાં આવશે અને ડીએલએસ પ્રમાણે ભારતને 20 ઑવરમાં 148 રનનો ટાર્ગેટ મળશે. ત્યારે ભારતની પારીમાંથી કેટલી ઓવર ઓછી થાય છે તે પ્રમાણે ભારતને આ મુજબનો ટાર્ગેટ આપવામા આવશે.