World News: ઇઝરાયલમાં ભારતના રાજદૂત જેપી સિંહે આતંકવાદ સામે આંતરરાષ્ટ્રીય ગઠબંધન બનાવવાની વાત કરતા કહ્યું કે પાકિસ્તાન વિરુદ્ધ ભારતનું ઓપરેશન સિંદૂર ‘થોભી ગયું’ છે ‘સમાપ્ત થયું નથી’. તેમણે માંગ કરી કે ઇસ્લામાબાદે હાફિઝ સઈદ, સાજિદ મીર અને ઝકીઉર રહેમાન લખવી જેવા મોટા આતંકવાદીઓને ભારતને સોંપવા જોઈએ.
ભારતીય રાજદૂતે કહ્યું કે જેમ અમેરિકાએ 26/11 મુંબઈ આતંકવાદી હુમલાના માસ્ટરમાઇન્ડ તહવ્વુર હુસૈન રાણાને ભારતને સોંપ્યો હતો, તેમ પાકિસ્તાને પણ એવું જ કરવું જોઈએ.
‘ધર્મના આધારે હત્યા…’
ભારતના હુમલા પહેલાની ઘટનાઓનો ઉલ્લેખ કરતા, જેપી સિંહે સોમવારે ઇઝરાયલી ટીવી ચેનલ i24 ને આપેલા ઇન્ટરવ્યુમાં કહ્યું, “આ ઝુંબેશ શરૂઆતમાં પાકિસ્તાનમાં આતંકવાદી જૂથો સામે હતી.” 22 એપ્રિલના પહેલગામ હુમલાનો ઉલ્લેખ કરતા તેમણે કહ્યું, “આતંકવાદીઓએ લોકોને તેમના ધર્મના આધારે માર્યા. તેઓએ લોકોને મારતા પહેલા તેમના ધર્મ વિશે પૂછ્યું અને 26 નિર્દોષ લોકોએ જીવ ગુમાવ્યા.”
જેપી સિંહે ભાર મૂક્યો, “ભારતનું અભિયાન આતંકવાદી જૂથો અને તેમના માળખાકીય સુવિધાઓ સામે હતું, જેનો જવાબ પાકિસ્તાને ભારતીય લશ્કરી સ્થાપનો પર હુમલો કરીને આપ્યો.”
શું યુદ્ધવિરામ ચાલુ છે અને શું આ ભારત માટે છેલ્લો યુદ્ધવિરામ હશે? આ પ્રશ્નના જવાબમાં જેપી સિંહે કહ્યું, “યુદ્ધવિરામ હજુ પણ ચાલુ છે, પરંતુ અમે સ્પષ્ટ કરી દીધું છે કે ‘ઓપરેશન સિંદૂર’ બંધ કરી દેવામાં આવ્યું છે, તે હજુ પૂરું થયું નથી.”
આ પણ વાંચો:પાકિસ્તાન સાથે ‘યુદ્ધ’ વચ્ચે તાલિબાને ભારત પાસે કરી આ માંગ, વધી જશે શાહબાઝ શરીફની મુશ્કેલીઓ
આ પણ વાંચો:બાંગ્લાદેશથી પરત ફર્યા બાદ ભારતીય વિદેશ સચિવે શેખ હસીના પર મોટું નિવેદન આપ્યું
