નવી દિલ્હી: ચીનમાં (China) કોરોનાના વિસ્ફોટના (Coronablast) પગલે કેન્દ્રએ (Centre) રાજ્યોને (States)કહ્યું છે કે દેશમાં કોવિડના (Covid)કેસ ફરી વધે તો ઝડપી પ્રતિસાદ સુનિશ્ચિત કરવા માટે આરોગ્ય સુવિધાઓ પર મોક ડ્રીલ (Mock drill) યોજે. મંગળવારે યોજાનારી આ મોક ડ્રીલ બેડ, માનવ સંસાધન(human resources), લોજિસ્ટિક્સ (Logistics) અને મેડિકલ ઓક્સિજનની (Medical oxygen) સપ્લાય ચેઇનની (Supply chain) ઉપલબ્ધતા પર ધ્યાન કેન્દ્રિત કરશે.
કોવિડના કેસોમાં અગાઉના ઉછાળાએ ખાસ કરીને બીજી લહેરે (Second wave) આરોગ્યના માળખાને (Healthcare infrastructure) ઘૂંટણિયે લાવી દીધું હતું, તબીબી ઓક્સિજનની અછતને કારણે શ્વાસ લેવામાં સંઘર્ષ કરી રહેલા દર્દીઓના હૃદયદ્રાવક દ્રશ્યો અને પ્રિયજનો માટે હોસ્પિટલના પલંગ શોધવા માટે દોડાદોડી કરી રહેલા લોકોના દ્રશ્યો હૃદયવિદારક હતા.
ગઈકાલે તમામ રાજ્યો અને કેન્દ્રશાસિત પ્રદેશોને લખેલા પત્રમાં, આરોગ્ય સચિવ રાજેશ ભૂષણે જણાવ્યું હતું કે કોઈપણ કટોકટીને (Emergency) પહોંચી વળવા માટે તમામ રાજ્યો અને કેન્દ્રશાસિત પ્રદેશોમાં જરૂરી સ્વાસ્થ્ય પગલાં લેવામાં આવે તે જરૂરી છે.
“તેથી મંગળવાર, 27મી ડિસેમ્બર 2022 ના રોજ સમગ્ર દેશમાં તમામ આરોગ્ય સુવિધાઓ (ઓળખાયેલ COVID-સમર્પિત આરોગ્ય સુવિધાઓ સહિત) પર મોક ડ્રીલ યોજવાનું નક્કી કરવામાં આવ્યું છે,” મંત્રાલયે જણાવ્યું હતું.
આરોગ્ય સચિવે મોક ડ્રીલ માટે મુખ્ય ફોકસ વિસ્તારોની યાદી આપી. ક્વોરેન્ટાઇન (Quarantine) અને લાઇફ સપોર્ટની (life support) સગવડ સાથે બંને પ્રકારના બેડ હોવા જરૂરી છે. “ભૌગોલિક રીતે આરોગ્ય સુવિધાઓની પ્રાપ્યતા – તમામ જિલ્લાઓને આવરી લે છે. બેડની ક્ષમતામાં જોઈએ તો આઇસોલેશન બેડ (Isolation bed), ઓક્સિજન-સપોર્ટેડ આઇસોલેશન બેડ (Oxygen supported isolation bed), ICU બેડ અને વેન્ટિલેટર-સપોર્ટેડ બેડ, (Ventilator supported bed)” એમ પત્રમાં જણાવ્યું હતું.
આ મોક ડ્રીલ ડોકટરો, નર્સો અને પેરામેડિક્સ સહિતના કોવિડ કેસોમાં કોઈપણ વધારાને પહોંચી વળવા માટે જરૂરી માનવ સંસાધન પર પણ ધ્યાન કેન્દ્રિત કરશે. કવાયત દરમિયાન પૂરતી સંખ્યામાં આયુષ પ્રેક્ટિશનરો અને ફ્રન્ટલાઈન કાર્યકરો જેમ કે આંગણવાડી કાર્યકરોનું પણ મૂલ્યાંકન કરવામાં આવશે. આ કવાયત એ પણ તપાસશે કે આ આરોગ્ય કર્મચારીઓને કોવિડ દર્દીઓ અને તબીબી ઓક્સિજન સપ્લાયને હેન્ડલ કરવા માટે યોગ્ય રીતે તાલીમ આપવામાં આવી છે કે કેમ.
મોક ડ્રીલનો હેતુ RT-PCR અને રેપિડ એન્ટિજેન કિટ્સની સરળ ઉપલબ્ધતાને સુનિશ્ચિત કરીને કોવિડ પરીક્ષણ ક્ષમતાને વધારવાનો પણ છે. કોવિડની અગાઉની લહેરમાં મેડિકલ ઓક્સિજનની કટોકટીના લીધે કેટલાયના શ્વાસ થંભી ગયા હતા. આ બાબત પણ મોક ડ્રીલમાં કેન્દ્રસ્થાને રાખવામાં આવી છે.
“મેડિકલ ઓક્સિજન, ઓક્સિજન કોન્સેન્ટ્રેટર્સ (Oxygen concentraters), ઓક્સિજન સિલિન્ડરો (Oxygen cylinder), PSA પ્લાન્ટ્સ (PSA Plants). લિક્વિડ મેડિકલ ઓક્સિજન સ્ટોરેજ ટાંકી (liquid Medical Oxygen storage tank), મેડિકલ ગેસ પાઇપલાઇન સિસ્ટમ (Medical gas pipeline system) વગેરેની ઉપલબ્ધતા સુનિશ્ચિત કરવાને પત્રમાં પ્રાથમિક મુદ્દાઓ ગણાવાયા છે. કેન્દ્રએ પહેલાથી જ જાહેરાત કરી છે કે ચીન સહિત પાંચ દેશોમાંથી આવતા મુસાફરો માટે હવે RT-PCR ફરજિયાત છે.
આ પણ વાંચોઃ
