Vadodara News : મુખ્યમંત્રી ભુપેન્દ્ર પટેલે વડોદરામાં આયોજિત વાયબ્રન્ટ ગુજરાત ગ્લોબલ સમિટ દરમિયાન ગુજરાત સરકારની સત્તાવાર રોકાણ પ્રોત્સાહન સંસ્થા iNDEXTbને ગિનેસ વર્લ્ડ રેકોર્ડનું પ્રમાણપત્ર અર્પણ કર્યું હતું.

iNDEXTbએ K and D Communication Limited સાથે મળીને ગત ૨જી મે, 2026ના રોજ સુરત ખાતે યોજાયેલા બિઝનેસ એક્સ્પોઝિશનમાં ફક્ત 11 જ દિવસમાં સૌથી વધુ પ્રદર્શકો કુલ-350 જેટલા પ્રદર્શકો જોડાવાનો વિશ્વવિક્રમ સ્થાપિત કર્યો હતો. આ સિદ્ધિને માન્યતા આપતાં ગિનેસ બુક ઓફ વર્લ્ડ રેકોર્ડનું પ્રમાણપત્ર મુખ્યમંત્રી ભૂપેન્દ્ર પટેલના વરદ હસ્તે પ્રમાણપત્ર એનાયત કરવામાં આવ્યું હતું.

નોંધનિય છે કે, iNDEXTb ગુજરાત સરકારની સત્તાવાર રોકાણ પ્રોત્સાહન સંસ્થા તરીકે રોકાણકારો માટે સિંગલ પોઇન્ટ ઑફ કોન્ટેક્ટ તરીકે કાર્ય કરે છે. સંસ્થા રોકાણ પ્રક્રિયાને સરળ બનાવવા માટે માર્ગદર્શન, જરૂરી સુવિધાઓ અને નીતિ આધાર પૂરો પાડીને રાજ્યના ઔદ્યોગિક તેમજ સામાજિક-આર્થિક વિકાસને વેગ આપવામાં મહત્વપૂર્ણ યોગદાન આપી રહી છે.

મહાનુભાવોએ iNDEXTbની આ ઐતિહાસિક સિદ્ધિ બદલ અભિનંદન પાઠવ્યા

આ પ્રસંગે ઉપસ્થિત મહાનુભાવોએ iNDEXTbની આ ઐતિહાસિક સિદ્ધિ બદલ અભિનંદન પાઠવ્યા હતા અને રાજ્યના સર્વાંગી ઔદ્યોગિક વિકાસ માટે તેની કામગીરીને બિરદાવી હતી.

આ પણ વાંચો : પીએમ નરેન્દ્ર મોદીના માતા હીરાબાને રાજસ્થાન તરફથી અનોખી શ્રદ્ધાંજલિ, ગિનેસ વર્લ્ડ રેકોર્ડ હોલ્ડરે કર્યું આ કામ

આ પણ વાંચો : ધ ફોરગોટન આર્મીએ લાઈવ પર્ફોર્મન્સ કરી બનાવ્યો ગિનેસ વર્લ્ડ રેકોર્ડ

આ પણ વાંચો : મહિલાના શરીર પર છે સૌથી વધુ ટેટૂ, બનાવ્યો ગિનિઝ વર્લ્ડ રેકોર્ડ