જ્ઞાનેશ કુમાર અને સુખબીર સંધુ નવા ચૂંટણી કમિશનર, અધીર રંજનનો દાવો

ચૂંટણી કમિશનરોની પસંદગી માટે ગુરુવારે વડાપ્રધાન નરેન્દ્ર મોદીની અધ્યક્ષતામાં પસંદગી સમિતિની બેઠક યોજાઈ હતી. જેમાં કોંગ્રેસના સાંસદ અધીર રંજન ચૌધરી પણ સામેલ હતા. બેઠક બાદ અધીર રંજને દાવો કર્યો છે કે કેરળના જ્ઞાનેશ કુમાર અને પંજાબના સુખબીર સંધુ નવા ચૂંટણી કમિશનર હશે.

અધીર રંજને કહ્યું કે હું મારો વિસ્તાર છોડીને મીટીંગમાં હાજરી આપવા આવ્યો છું. સુપ્રીમ કોર્ટે કહ્યું હતું કે ચીફ જસ્ટિસ પણ કમિટીમાં હોવા જોઈએ. તેઓ રાખવામાં આવ્યા ન હતા. બદલામાં ગૃહમંત્રી અમિત શાહને બેઠકમાં સામેલ કરવામાં આવ્યા હતા.કોંગ્રેસ સાંસદે કહ્યું કે, મેં બેઠક પહેલા જ શોર્ટલિસ્ટ કરાયેલા ઉમેદવારોની યાદી માગી હતી. જેથી હું તેમના વિશે વિગતવાર જાણી શકું પરંતુ મને 212 નામોની યાદી આપવામાં આવી હતી. હું 212 લોકો વિશે કેવી રીતે જાણી શકું? પસંદગી સમિતિમાં સરકાર પાસે પહેલાથી જ બહુમતી છે. સરકાર જે ઈચ્છશે તે થશે.

#WATCH | After the meeting of selection committee to pick the Election Commissioner, the Leader of Congress in Lok Sabha, Adhir Ranjan Chowdhury says, "They (govt) have the majority (in the committee who appoints election commissioner). Earlier, they had given me 212 names, but… pic.twitter.com/90x3uLxGsx

— ANI (@ANI) March 14, 2024

કોણ છે જ્ઞાનેશ કુમાર અને સુખબીર સંધુ?

જ્ઞાનેશ કુમાર થોડા દિવસો પહેલા સહકાર મંત્રાલયના સચિવ પદ પરથી નિવૃત્ત થયા હતા. તેમણે મંત્રાલયની રચના થઈ ત્યારથી અત્યાર સુધી કામ કર્યું હતું. જ્ઞાનેશ કુમારે સહકાર મંત્રાલયની રચના બાદથી દેશભરમાં કેવી રીતે અમલીકરણ કરવામાં આવ્યું છે તેમાં મહત્વપૂર્ણ યોગદાન આપ્યું છે. સહકાર મંત્રાલય ગૃહમંત્રી અમિત શાહના હાથ હેઠળ છે. તે પહેલા જ્ઞાનેશ કુમાર ગૃહ મંત્રાલયમાં કાશ્મીર વિભાગના સંયુક્ત સચિવ હતા. તેઓ પ્રમોશન પણ મેળવીને ગૃહ મંત્રાલયમાં અધિક સચિવ બન્યા.

ભૂતપૂર્વ IAS અધિકારી સુખબીર સંધુને જુલાઈ 2021 માં ઓમ પ્રકાશની જગ્યાએ ઉત્તરાખંડના નવા મુખ્ય સચિવ તરીકે નિયુક્ત કરવામાં આવ્યા હતા. સંધુ, 1988 બેચના IAS અધિકારી, નેશનલ હાઈવે ઓથોરિટી ઓફ ઈન્ડિયા (NHAI) ના અધ્યક્ષ તરીકે કેન્દ્રમાં પ્રતિનિયુક્તિ પર હતા.