National News : ઇન્ડિયા પોસ્ટ આવતીકાલથી અમેરિકા માટે તમામ કેટેગરીની ટપાલ સેવાઓ ફરી શરુ કરવા જઈ રહ્યું છે. ડિપાર્ટમેન્ટ ઑફ પોસ્ટે આ અંગે માહિતી આપી હતી કે, લોજિસ્ટિકલ પડકારો અને એર મેઇલ સંચાલનમાં ખામી સર્જાતાં અમેરિકામાં સસ્પેન્ડ કરવામાં આવેલા પત્રો, પાર્સલ અને એક્સપ્રેસ કન્સાઇનમેન્ટ્સ સહિતની સેવાઓ આવતીકાલે 15 ઑક્ટોબર, 2025થી ફરી શરુ થશે.
ભારત અને અમેરિકા વચ્ચે ફ્લાઇટની મર્યાદાઓ અને સંચાલનમાં પડકારો નડતાં ઘણા મહિનાઓથી બંધ પડેલી ટપાલ સેવાઓ આવતીકાલથી ફરી શરુ થતાં ગ્રાહકોને ખાનગી કરતાં નીચા દરે પાર્સલ સહિતની ટપાલ સેવાઓનો લાભ મળશે. તમામ કેટેગરીના મેઇલ અને પાર્સલ ફરી એકવાર ઇન્ડિયા પોસ્ટ મારફત અમેરિકા મોકલી શકાશે.યુએસ વહીવટીતંત્ર દ્વારા જાહેર કરાયેલા એક્ઝિક્યુટિવ ઑર્ડર 14324ને અનુસરતાં 22 ઑગસ્ટ 2025ના રોજ ઑફિસ મેમોરેન્ડમ દ્વારા અમેરિકા માટે ટપાલ સેવાઓ સ્થગિત કરવામાં આવી હતી.
જેણે તમામ પોસ્ટલ શિપમેન્ટ માટે ડી મિનિમિસ ટ્રીટમેન્ટ સ્થગિત કરી હતી. આયાત જકાતના સંગ્રહ અને રેમિટન્સ માટે યુ.એસ. કસ્ટમ્સ ઍન્ડ બોર્ડર પ્રોટેક્શન (CBP) દ્વારા રજૂ કરાયેલી નવી નિયમનકારી આવશ્યકતાઓને કારણે આ સસ્પેન્શન જરૂરી બન્યું હતું.
CBP-મંજૂર લાયક પક્ષો સાથે સંકલન તથા દિલ્હી અને મહારાષ્ટ્ર સર્કલમાં સફળ ઓપરેશનલ ટ્રાયલ બાદ ઇન્ડિયા પોસ્ટે હવે ડિલિવરી ડ્યુટી પેઇડ (DDP) પ્રક્રિયા માટે એક અનુપાલન પદ્ધતિ સ્થાપિત કરી છે. આ નવી વ્યવસ્થા હેઠળ, યુએસએમાં શિપમેન્ટ પર લાગુ થતી તમામ કસ્ટમ્સ ડ્યુટી બુકિંગ સમયે ભારતમાં અગાઉથી વસૂલવામાં આવશે અને માન્ય લાયક પક્ષો દ્વારા સીધી સીબીપીને મોકલવામાં આવશે. આ સંપૂર્ણ નિયમનકારી પાલન, ઝડપી કસ્ટમ્સ ક્લિયરન્સ અને કોઈપણ વધારાની ડ્યુટી અથવા વિલંબ વિના યુએસએમાં સરનામાંઓને સીમલેસ ડિલિવરી સુનિશ્ચિત કરે છે.
સીબીપી માર્ગદર્શિકા અનુસાર, ભારતથી અમેરિકામાં પોસ્ટલ શિપમેન્ટ પર કસ્ટમ્સ ડ્યુટી આંતરરાષ્ટ્રીય ઇમરજન્સી ઇકોનોમિક પાવર્સ ઍક્ટ (IEEPA) ટેરિફ (મૂળ દેશ ભારત સાથે) હેઠળ જાહેર કરાયેલ FOB મૂલ્યના 50%ના ફ્લેટ દરે લાગુ પડે છે. કુરિયર અથવા કોમર્શિયલ કન્સાઇન્મેન્ટથી વિપરીત પોસ્ટલ વસ્તુઓ પર ઉત્પાદન-વિશિષ્ટ ડ્યુટી કે કોઈ વધારાની બેઝ લાદવામાં આવતી નથી. નિકાસકારો માટે આ અનુકૂળ ડ્યુટી માળખું એકંદર ખર્ચ બોજને નોંધપાત્ર રીતે ઘટાડે છે, જે પોસ્ટલ ચેનલને , નાના વેપારીઓ,કારીગરો, MSME અને ઈ-કોમર્સ નિકાસકારો માટે સ્પર્ધાત્મક લોજિસ્ટિક્સ વિકલ્પ અને વધુ સસ્તું બનાવે છે.
આ પણ વાંચો: Drug Smuggling/જમ્મુ-કાશ્મીરમાં તૈનાત 3 જવાનોની ડ્રગ્સ દાણચોરીના આરોપમાં ધરપકડ
આ પણ વાંચો: Jammu Kashmir News/જમ્મુ-કાશ્મીરના રાજૌરીમાં સુરક્ષા દળોએ જીવંત બોમ્બનો કર્યો નાશ,વીડિયો આવ્યો સામે
આ પણ વાંચો: National News/યુદ્ધવિરામનો ભંગ : જમ્મુ-કાશ્મીરમાં ફરી ડ્રોન હુમલા અને ગોળીબાર, 1 જવાન શહીદ, સાત ઘાયલ
