એન્ફોર્સમેન્ટ ડિરેક્ટોરેટ (ઇડી) એ ગુરુવારે દિલ્હી હાઇકોર્ટને કોંગ્રેસ પાર્ટીના મહાસચિવ પ્રિયંકા ગાંધીના પતિ રોબર્ટ વાડ્રાની અટકાયત કરવા વિનંતી કરી છે. ઇડીનું કહેવું છે કે રોબર્ટ વાડ્રા કંઈક છુપાવી રહ્યો છે અને તપાસ એજન્સી સામે સહકાર આપી રહ્યો નથી. દિલ્હી હાઈકોર્ટમાં ઇડીએ ટ્રાયલ કોર્ટના નિર્ણયને પડકાર્યો છે, આ કેસની આગામી સુનાવણી 5 નવેમ્બરના રોજ રાખવામાં આવી છે જેમાં રોબર્ટ વાડ્રા અને તેના નજીકના મનોજ અરોરાને આગોતરા જામીન મળી ગયા છે.
ED's lawyer today while presenting his arguments said, "He (Robert Vadra) is evasive and non cooperative. We need his custody because there is a money chain that directly links to him." https://t.co/F5Uqvk30go
— ANI (@ANI) September 26, 2019
અગાઉ, ટ્રાયલ કોર્ટે રોબર્ટ વાડ્રાને આગોતરા જામીન આપ્યા હતા અને નિર્દેશ આપ્યો હતો કે તેઓ પરવાનગી વિના દેશની બહાર નહીં જાય અને જ્યારે પણ તપાસ અધિકારી તેમને બોલાવે, ત્યારે તેઓ હાજર રહેશે. ગુરુવારે દિલ્હી હાઈકોર્ટમાં સુનાવણી દરમિયાન ઇડીએ કહ્યું કે રોબર્ટ વાડ્રાને કસ્ટડીમાં લેવાની જરૂર છે કારણ કે તે તપાસમાં સહકાર આપી રહ્યો નથી અને નીચલી અદાલતે તેના આદેશમાં ગુનાની ગંભીરતા અંગે ચર્ચા કરી નથી.
રોબર્ટ વાડ્રાને લંડનના 12 બ્રાયનસ્ટન સ્ક્વાયર પર 17 કરોડ રૂપિયાની સંપત્તિની ખરીદીના સંદર્ભમાં મની લોન્ડરિંગના આરોપનો સામનો કરવો પડી રહ્યો છે.આ મામલે પ્રિવેન્શન ઓફ મની લોન્ડરિંગ એક્ટ હેઠળ તપાસ કરવામાં આવી રહી છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
