ભારતીય ટુકડીએ એશિયન ગેમ્સ 2023ની હાંગઝોઉમાં ભવ્ય શરૂઆત કરી છે. ભારતે તેનો પહેલો મેડલ 24 સપ્ટેમ્બરે જીત્યો હતો અને ત્યારથી જીતનો સિલસિલો જારી રહ્યો છે. 2018 એશિયન ગેમ્સમાં, ભારતીય ટુકડીએ 570 સભ્યોની મજબૂત ટુકડીમાંથી 80 મેડલ મેળવીને એશિયન ગેમ્સમાં સૌથી વધુ મેડલ મેળવવાનો રેકોર્ડ બનાવ્યો હતો. હવે આ એડિશનમાં, ભારતીય ટીમ 100 થી વધુ મેડલના લક્ષ્ય સાથે તેના અગાઉના સર્વશ્રેષ્ઠને પાર કરવાની આશા રાખે છે. મહિલા શૂટિંગ ટીમે 24 સપ્ટેમ્બરે હાંગઝોઉમાં ભારત માટે મેડલનું ખાતું ખોલ્યું હતું.
શૂટિંગ, મહિલાઓની 10 મીટર એર રાઇફલ ટીમ: મેહુલી ઘોષ, રમિતા અને આશી ચૌકસીની શૂટિંગ ટીમે મહિલાઓની 10 મીટર એર રાઇફલ ટીમ ઇવેન્ટમાં બીજા સ્થાને રહીને સિલ્વર મેડલ જીત્યો હતો. તેણે કુલ 1886નો સ્કોર કર્યો.
રોઇંગ મેન્સ ડબલ સ્કલ્સ: અર્જુન લાલ જાટ અને અરવિંદ સિંહની જોડીએ લાઇટવેઇટ મેન્સ ડબલ સ્કલ્સમાં સિલ્વર મેડલ જીત્યો.
રોઈંગ, પુરુષોની જોડી: લેખ રામ અને બાબુ લાલ યાદવની જોડી ત્રીજા સ્થાને રહી અને બ્રોન્ઝ મેડલ જીત્યો.
રોઈંગ, મેન્સ એઈટ: રોઈંગમાં મેડલનો સિલસિલો ચાલુ રાખીને, ભારતે આ વખતે મેન્સ આઈ ઈવેન્ટમાં બીજો સિલ્વર મેડલ જીત્યો.
શૂટિંગ, મહિલા 10 મીટર એર રાઇફલ વ્યક્તિગત: મહિલા ટીમ ઇવેન્ટમાં સિલ્વર મેડલ જીતનાર રમિતા જિંદાલે 10 મીટર એર રાઇફલ વ્યક્તિગત ઇવેન્ટમાં 230.1ના સ્કોર સાથે બ્રોન્ઝ મેડલ જીત્યો હતો.
શૂટિંગ, પુરુષોની 10 મીટર એર રાઈફલ ટીમ: દિવ્યાંશ સિંહ પંવાર, રુદ્રાંક્ષ પાટીલ અને ઐશ્વર્યા પ્રતાપ સિંહ તોમરની ત્રિપુટીએ 2023 એશિયન ગેમ્સમાં ભારતને પહેલો સુવર્ણ ચંદ્રક અપાવ્યો. 1893.7 ના સ્કોર સાથે, તેઓએ 10 મીટર એર રાઈફલ ઈવેન્ટમાં ટીમ માટે હાલનો વિશ્વ રેકોર્ડ તોડ્યો.
રોઈંગ, મેન્સ કોક્સલેસ ફોર: જસવિંદર સિંઘ, ભીમ સિંહ, પુનીત અને આશિષ કુમારની ચોકડી પુરુષોની કોક્સલેસ ફોરમાં ત્રીજા સ્થાને રહી અને બ્રોન્ઝ જીત્યો.
રોઈંગ, મેન્સ ક્વાડ્રુપલ સ્કલ્સ: રોઈંગમાં ભારતે બ્રોન્ઝ મેડલ જીત્યો. ફાઇનલમાં સતનામ, પરમિન્દર, જાકર અને સુખમીતની ચોકડી 3:6.08 મિનિટના સમય સાથે ત્રીજા સ્થાને રહી હતી.
પુરુષોની 10 મીટર એર રાઈફલ વ્યક્તિગત: શૂટર ઐશ્વર્યા પ્રતાપ સિંહ તોમરે, જેમણે અન્ય બે સાથે મળીને ટીમ ઈવેન્ટમાં ભારતને પ્રથમ એશિયન ગેમ્સ સુવર્ણ ચંદ્રક અપાવ્યો હતો, તેણે પુરુષોની 10 મીટર એર રાઈફલ વ્યક્તિગત ઈવેન્ટમાં બ્રોન્ઝ મેડલ જીત્યો.
પુરુષોની 25 મીટર રેપિડ ફાયર પિસ્તોલ ટીમ: આદર્શ સિંહ, અનીશ ભાનવાલા અને વિજયવીર સિદ્ધુની ત્રિપુટીએ 1718ના કુલ સ્કોર સાથે ભારત માટે બ્રોન્ઝ મેડલ જીત્યો.
મહિલા ક્રિકેટ: ભારતીય ટીમે ફાઇનલમાં શ્રીલંકાને 19 રનથી હરાવીને ગોલ્ડ મેડલ જીત્યો. ભારતીય ટીમે એશિયન ગેમ્સમાં પ્રથમ વખત ભાગ લીધો હતો. ટીમ ઈન્ડિયા પહેલા પ્રયાસમાં જ ગોલ્ડ મેડલ જીતવામાં સફળ રહી છે.
નાવિક નેહા ઠાકુર: 17 વર્ષની નાવિક નેહા ઠાકુરે સિલ્વર મેડલ જીત્યો. તેણીએ ગર્લ્સ ડીંઘી ILCA4 ઇવેન્ટમાં 11 રેસમાં કુલ 27 પોઈન્ટ મેળવ્યા હતા.
નાવિક ઇબાદ અલી: ઇબાદ અલીએ સેઇલિંગમાં બ્રોન્ઝ મેડલ જીત્યો હતો. તે પુરુષોની વિન્ડસર્ફર આરએસ એક્સ ઇવેન્ટમાં 52ના નેટ સ્કોર સાથે ત્રીજા સ્થાને રહ્યો હતો.
અશ્વારોહણ ટીમ: હૃદય છેડા, દિવ્યકૃતિ સિંઘ, અનુષ અગ્રવાલ અને સુદીપ્તિ હજેલાની ભારતીય મિશ્રિત ટીમે 209.205ના સ્કોર સાથે ગોલ્ડ મેડલ જીત્યો.
50 મીટર થ્રી પોઝિશન રાઇફલ ટીમ, સિફ્ટ, માનિની અને આશિ: ભારતીય શૂટિંગ ટીમ સિલ્વર મેડલ પર લક્ષ્ય ધરાવે છે. ભારતે 50 મીટર થ્રી પોઝિશન ટીમ ઈવેન્ટમાં સિલ્વર મેડલ જીત્યો છે. સિફ્ટ કૌર સમરા, આશી ચોકસી અને માનિની કૌશિકની ટીમ ચીનની જિયા સિયુ, હાન જિયાયુ અને ઝાંગ ક્વિઓંગ્યુને પાછળ રાખીને બીજા સ્થાને રહી હતી. દરમિયાન, સિફ્ટ બીજા સ્થાને સાથે ફાઇનલમાં પહોંચી, આશિએ પણ છઠ્ઠા સ્થાન સાથે ફાઇનલમાં પ્રવેશ કર્યો. માનિનીના સ્કોર સાથે 18મું સ્થાન ધરાવે છે.
25 મીટર પિસ્તોલ ટીમ ઈવેન્ટ, મનુ, ઈશા અને રિધમઃ ભારતીય શુટીંગ ટીમે આજે બીજો મેડલ પણ જીત્યો છે. ભારતે ગોલ્ડ મેડલ કબજે કર્યો છે. મનુ ભાકર, ઈશા સિંહ અને રિધમ સાંગવાન 25 મીટર પિસ્તોલ ટીમ ઈવેન્ટમાં ગોલ્ડ મેડલ જીત્યા છે! તેઓએ ચીનને ત્રણ પોઈન્ટથી હરાવ્યું! ભાકરે બે પોઈન્ટની લીડ સાથે રાઉન્ડની શરૂઆત કરી અને રાઉન્ડ આગળ વધતા તેને ત્રણ પોઈન્ટ સુધી લંબાવ્યો. તેણીએ ક્વોલિફાઈંગમાં પણ ટોચનું સ્થાન મેળવ્યું હતું અને તે વ્યક્તિગત ઈવેન્ટ ફાઇનલમાં 5મા સ્થાને રહેલી ઈશા સિંઘ સાથે શૂટ કરશે.
50 મીટર થ્રી પોઝિશન રાઇફલ વ્યક્તિગત, સિફ્ટ કૌર ભારતીય ખેલાડીઓ શૂટિંગમાં શાનદાર પ્રદર્શન કરવાનું ચાલુ રાખે છે. સિફ્ટ કૌરે ગોલ્ડ જીત્યો હતો. સિફ્ટ કૌર સમરાએ 50 મીટર થ્રી પોઝિશન રાઈફલ વ્યક્તિગત ઈવેન્ટમાં 10.2 પોઈન્ટ મેળવીને સરળતાથી ગોલ્ડ મેડલ જીત્યો હતો. એશિયન ગેમ્સ 2023માં સિંગલ ઈવેન્ટમાં ભારત માટે ગોલ્ડ જીતનારી સિફ્ટ કૌર પ્રથમ એથ્લેટ છે. ગોલ્ડ મેડલ જીતવાની સાથે સિફ્ટે નવો વર્લ્ડ રેકોર્ડ પણ બનાવ્યો છે. તેણે 469.6 રન બનાવ્યા જે અગાઉના રેકોર્ડ કરતા 2.6 વધુ છે.
50 મીટર થ્રી પોઝિશન રાઈફલ વ્યક્તિગત, આશી ચૌકસે બ્રોન્ઝ, જ્યારે સિફ્ટ 50 મીટર થ્રી પોઝિશન રાઈફલ વ્યક્તિગત ઈવેન્ટમાં પ્રથમ ક્રમે રહી, આશી ચૌકસે એ જ સ્પર્ધામાં બ્રોન્ઝ મેડલ જીત્યો.
ભારતીય પુરુષોની સ્કીટ શૂટિંગ ટીમ, અંગદ, ગુરજોત, અનંત: ભારતીય પુરુષોની સ્કીટ શૂટિંગ ટીમે બ્રોન્ઝ મેડલ જીત્યો. અંગદ બાજવા, ગુરજોત સિંહ ખંગુરા અને અનંત જીત સિંહ નારુકાની ત્રિપુટીએ કુલ 355 પોઈન્ટ બનાવ્યા અને ફાઇનલમાં ત્રીજું સ્થાન મેળવ્યું. તેને બ્રોન્ઝ મળ્યો.
સેઇલિંગ ડીંઘી ILCA 7 પુરૂષો, વિષ્ણુ સરવનન બ્રોન્ઝ,વિષ્ણુ સરવનને પુરુષોની ડીંઘી ILCA 7 માં 34ના નેટ સ્કોર સાથે બ્રોન્ઝ મેડલ જીત્યો હતો.
મહિલા 25 મીટર પિસ્તોલ, ઈશા સિંહ સિલ્વર,ઈશા સિંહે શૂટિંગમાં સિલ્વર મેડલ જીત્યો છે. તેણીએ મહિલાઓની 25 મીટર પિસ્તોલ સ્પર્ધામાં 34 રન બનાવ્યા અને બીજા સ્થાને રહી.
શોટગન સ્કીટ, મેન, અનંતજીત સિંહ સિલ્વર,અનંત નકુરાએ મેન્સ શોટગન સ્કીટમાં સિલ્વર જીત્યો. અનંતે 60 પ્રયાસોમાંથી 58 સાચા શોટ કર્યા.
વુશુ સાન્ડા, મહિલા, રોશિબિના દેવી સિલ્વર,રોશિબિના દેવીએ મહિલાઓની 60 કિગ્રા વુશુ સાન્ડામાં સિલ્વર મેડલ જીત્યો છે.
પુરૂષ, 10 મીટર એર પિસ્તોલ ગોલ્ડ,સરબજોત સિંહ, અર્જુન સી.એચ
અશ્વારોહણ, વ્યક્તિગત ડ્રેસેજ, બ્રોન્ઝ,અનુષ અને તેનો ઘોડો ઇટ્રો વ્યક્તિગત ડ્રેસેજમાં ત્રીજા સ્થાને રહ્યો અને 73.030ના સ્કોર સાથે બ્રોન્ઝ મેડલ જીત્યો.
શૂટિંગ- ભારતે 10 મીટર એર પિસ્તોલ મહિલા ટીમ ઈવેન્ટમાં સિલ્વર મેડલ જીત્યો. ભારતીય મહિલા ટીમની ખેલાડીઓ ઈશા સિંહ, પલક અને દિવ્યાએ અજાયબી કરી બતાવી. આ ત્રણેયે એશિયન ગેમ્સની વર્તમાન આવૃત્તિમાં દેશને તેનો 26મો મેડલ અપાવ્યો હતો. ઈશા સિંહ, પલક અને દિવ્યાની ટીમ 1731-50xના સ્કોર સાથે બીજા ક્રમે રહી હતી. ચીનની રેન્કસિંગ, લી અને નાનની જોડીએ ગોલ્ડ કબજે કર્યો હતો.
શૂટિંગ- ઐશ્વર્યા પ્રતાપ સિંહ, સ્વપ્નિલ અને અખિલની ત્રણેયે અજાયબીઓ કરી હતી. ત્રણેય સાથે મળીને 50 મીટર રાઇફલ 3 પોઝિશન મેન્સ ટીમ ઇવેન્ટમાં ગોલ્ડ મેડલ જીત્યો. ત્રણેએ મળીને 1769નો સ્કોર કર્યો. ચીનની લિનશુ, હાઓ અને જિયા મિંગની જોડીએ સિલ્વર મેડલ મેળવ્યો હતો. આ સાથે જ કોરિયન ખેલાડીઓએ બ્રોન્ઝ મેડલ જીત્યો હતો.
ટેનિસ- ટેનિસની મેન્સ ડબલ્સમાં ભારતને સિલ્વર મેડલ મળ્યો છે. સાકેત માયનેની અને રામકુમાર રામનાથનની જોડી ફાઇનલમાં હારી ગઈ હતી. બંનેને સિલ્વર મેડલથી સંતોષ માનવો પડ્યો હતો. સાકેથ અને રામકુમારને ચાઈનીઝ તાઈપેઈના જેસન અને યુ-સિયુએ સીધા સેટમાં પરાજય આપ્યો હતો.
29 અને 30. શૂટિંગ- પલક મહિલાઓની 10 મીટર એર પિસ્તોલ સ્પર્ધામાં ગોલ્ડ મેડલ જીત્યો. જ્યારે ઈશા સિંહે સિલ્વર મેડલ જીત્યો હતો. પાકિસ્તાનની કિશમાલા તલતને બ્રોન્ઝ મેડલથી સંતોષ માનવો પડ્યો હતો. પલકનો 242.1 અને ઈશાને 239.7નો સ્કોર કર્યો હતો. જ્યારે કિશ્માલાએ 218.2નો સ્કોર કર્યો હતો.
સ્ક્વોશ- ભારતીય મહિલા સ્ક્વોશ ટીમને બ્રોન્ઝ મેડલથી સંતોષ માનવો પડ્યો. સેમીફાઈનલમાં તેને હોંગકોંગ સામે હારનો સામનો કરવો પડ્યો હતો. અણહત સિંહ છેલ્લી મેચમાં લી સામે 10-12થી હારી ગયો હતો. અગાઉ તન્વી ખન્ના હારી ગઈ હતી. જોશના ચિનપ્પાએ બીજી મેચ જીતીને ભારતને બરાબરી પર લાવી દીધું હતું, પરંતુ અનાહતની હાર ટીમને ફાઇનલમાં પહોંચવા દીધી ન હતી.
આ પણ વાંચો :Asian Games 2023/ભારતીય શૂટિંગ ટીમે રચ્યો ઈતિહાસ, ગોલ્ડ અને સિલ્વર પર કબજો કર્યો
આ પણ વાંચો :World Cup 2023/વર્લ્ડ કપ 2023માં માત્ર પાકિસ્તાન જ નહીં અન્ય કોઈ ટીમને ખાવામાં નહીં મળે બીફ
આ પણ વાંચો :Pakistan Team ODI World Cup/ભારત પહોંચતાજ પાકિસ્તાનની ટીમ મુકાઇ મુંજવણમાં,કરી મોટી માંગ