ચીનના હાંગઝોઉમાં ચાલી રહેલી એશિયન ગેમ્સમાં ભારતનું શાનદાર પ્રદર્શન જોવા મળી રહ્યું છે. એશિયન ગેમ્સમાં ભારતે શૂટિંગમાં નવો ઈતિહાસ રચ્યો છે. ભારતે એશિયાડમાં અત્યાર સુધી શૂટિંગ કેટેગરીમાં શ્રેષ્ઠ પ્રદર્શન કર્યું છે.ભારતે અત્યાર સુધીમાં કુલ 30 મેડલ જીત્યા છે, જેમાં 8 ગોલ્ડ, 11 સિલ્વર અને 11 બ્રોન્ઝ મેડલનો સમાવેશ થાય છે.
પલક ગુલિયાનો ગોલ્ડ મેડલ અને ઈશા સિંહે સિલ્વર મેડલ જીત્યો
પલક ગુલિયાએ મહિલાઓની 10 મીટર એર પિસ્તોલમાં ભારત માટે ગોલ્ડ મેડલ જીત્યો છે. જ્યારે ઈશા સિંહે આ જ ઈવેન્ટમાં સિલ્વર મેડલ જીત્યો હતો. પલક ગુલિયા અને ઈશા સિંહે એશિયન ગેમ્સમાં મહિલાઓની 10 મીટર એર પિસ્તોલ સ્પર્ધામાં ઐતિહાસિક પ્રદર્શન કર્યું અને અનુક્રમે ગોલ્ડ અને સિલ્વર મેડલ જીત્યા. બંનેએ એકબીજાને સખત પડકાર આપ્યો અને ટોચના બે સ્થાન મેળવ્યા. 17 વર્ષની પલકને ગોલ્ડ અને ઈશાએ સિલ્વર મેડલ જીત્યો હતો. ભારતે આ એશિયન ગેમ્સમાં શૂટિંગમાં છ ગોલ્ડ સહિત 17 મેડલ જીત્યા છે. પાકિસ્તાનની તલત કિશ્માલાને બ્રોન્ઝ મેડલ મળ્યો હતો.
બીજી તરફ ભારતીય પુરુષોની 50 મીટર રાઇફલ થ્રી પોઝિશન ટીમે એશિયન ગેમ્સમાં ગોલ્ડ મેડલ જીત્યો હતો. ઐશ્વર્યા, સ્વપ્નિલ અને અખિલની ત્રિપુટીએ 50 મીટર રાઇફલ 3P (શૂટિંગ)માં ગોલ્ડ મેડલ જીત્યો હતો. ભારત માટે શૂટિંગમાં આ 15મો મેડલ છે.
ટેનિસમાં ભારતને સિલ્વર મળ્યો
ટેનિસમાં ભારતે મોટી સફળતા હાંસલ કરી છે. ભારતને 10મો સિલ્વર મેડલ મળ્યો છે. રામકુમાર રામનાથન અને સાકેથ માયનેનીએ એશિયન ગેમ્સમાં ટેનિસ મેન્સ ડબલ્સમાં સિલ્વર મેડલ જીત્યો હતો. ભારતીય જોડીને ફાઇનલમાં ચાઇનીઝ તાઇપેની હુ યુ સિયુ અને જેસન જુંગે સીધા સેટમાં હાર આપી હતી. સુ (182) અને જંગ (231), બંને બિનક્રમાંકિત ચાઈનીઝ તાઈપેઈ ટીમના સભ્યો, સિંગલ્સ રેન્કિંગમાં બહેતર હતા, જે તેમની રમતમાં પણ દેખાતા હતા. તેઓએ બીજી ક્રમાંકિત ભારતીય જોડીને 6-4, 6-4થી પરાજય આપ્યો હતો.
આ પણ વાંચો: Ambaji Bhadarvi Poonam/ અંબાજીમાં ભાદરવી પૂનમનો અંતિમ દિવસ, દસ લાખનો માનવ મહેરામણ ઉમટી શકે
આ પણ વાંચો: Karnataka/ કાવેરી જળ વિવાદને લઈને આજે કર્ણાટકમાં બંધનું એલાન!
આ પણ વાંચો: Hate Crime/ મુસ્લિમ વિદ્યાર્થીના હાથે હિંદુ વિદ્યાર્થીને થપ્પડ મરાવનારી શિક્ષિકાની ધરપકડ
