કાવેરી નદીનું પાણી તમિલનાડુને છોડવાના વિરોધમાં કર્ણાટકમાં વિરોધ પ્રદર્શન ચાલુ છે. આ બધા વચ્ચે શુક્રવારે કર્ણાટક બંધનું એલાન આપવામાં આવ્યું છે. કન્નડ સમર્થક અને ખેડૂત સંગઠનો દ્વારા ‘કર્ણાટક બંધ’ના એલાનને કારણે સામાન્ય જનજીવન પ્રભાવિત થઈ શકે છે. આ પહેલા મંગળવારે પણ બેંગલુરુ બંધ હતું અને ત્યાં વિરોધ પ્રદર્શનો થયા હતા.
ડીસી મંડ્યા ડો. કુમારે કહ્યું કે, કાવેરી પાણીના મુદ્દે કન્નડ સમર્થક સંગઠનો, ખેડૂત સંગઠનો અને અન્ય ઘણા સંગઠનો દ્વારા બોલાવવામાં આવેલા બંધને ધ્યાનમાં રાખીને કર્ણાટકના માંડ્યા જિલ્લામાં કલમ 144 લાગુ કરવામાં આવી છે અને શાળાઓ અને કોલેજો બંધ રહેશે.
અનેક સંગઠનોએ બંધનું એલાન કર્યું
કન્નડનું સર્વોચ્ચ સંગઠન કન્નડ ઓક્કુટા અને કર્ણાટક રક્ષા વેદિકે, કન્નડ ચલાવલી (વટલ પક્ષ) સહિત ખેડૂત સંગઠનોએ સવારથી સાંજ સુધી સમગ્ર રાજ્યમાં બંધનું આહ્વાન કર્યું છે. બંધના આયોજકોએ જણાવ્યું હતું કે શહેરના ટાઉન હોલથી ફ્રીડમ પાર્ક સુધી એક વિશાળ સરઘસ કાઢવામાં આવશે, જેમાં તમામ વર્ગના લોકો ભાગ લે તેવી શક્યતા છે.
ભાજપે સમર્થન આપ્યું
ડીસી મંડ્યા ડો. કુમારે કહ્યું કે, સમગ્ર કર્ણાટકમાં બંધનું એલાન આપવામાં આવ્યું છે અને તેઓ હાઈવે, ટોલ, રેલ સેવાઓ અને એરપોર્ટને પણ બંધ કરવાનો પ્રયાસ કરશે. વિરોધ પક્ષો ભારતીય જનતા પાર્ટી (BJP) અને જનતા દળ (સેક્યુલર)એ પણ બંધને સમર્થન આપ્યું છે. આ ઉપરાંત હોટલ, ઓટોરિક્ષા અને કાર ચાલકોના સંગઠનોએ પણ બંધને સમર્થન આપ્યું છે. કર્ણાટક પ્રદેશ પ્રાઈવેટ સ્કૂલ એસોસિએશનના એક અધિકારીએ કહ્યું કે તેઓ બંધને નૈતિક સમર્થન આપી રહ્યા છે. દરમિયાન, રાજ્યના પરિવહન વિભાગે સરકારી પરિવહન નિગમોને તેમની સેવાઓ ચાલુ રાખવાનો નિર્દેશ આપ્યો છે.
ગુરુવારે માંડ્યામાં પ્રદર્શન
કાવેરી બેસિન જિલ્લાના માંડ્યામાં ગુરુવારે કેટલાક કાર્યકરોએ કાવેરીનું પાણી તમિલનાડુમાં ટ્રાન્સફર કરવાના વિરોધમાં પ્રદર્શન કર્યું હતું. તેઓ છેલ્લા 15 દિવસથી વિરોધ પ્રદર્શન કરી રહ્યા છે. તેમણે આરોપ લગાવ્યો કે રાજ્ય સરકારે તમિલનાડુ પ્રત્યે નરમ વલણ અપનાવ્યું છે અને તે આ બાબતે યોગ્ય ધ્યાન આપી રહી નથી.
આ પણ વાંચો: Hate Crime/ મુસ્લિમ વિદ્યાર્થીના હાથે હિંદુ વિદ્યાર્થીને થપ્પડ મરાવનારી શિક્ષિકાની ધરપકડ
આ પણ વાંચો: World Heart Day/ કેમ ઉજવવામાં આવે છે ‘વિશ્વ હૃદય દિવસ’, જાણો તેનો ઈતિહાસ અને થીમ
આ પણ વાંચો: INDIA US/ કેનેડા વિવાદ વચ્ચે અમેરિકા-ભારતના વિદેશ મંત્રીઓની મુલાકાત
