દિલ્હીને હવે પ્લેઓફમાં પહોંચવા માટે વધુ એક જીતની જરૂર છે. પોઈન્ટ્સની દૃષ્ટિએ ટીમ હાલમાં રોયલ ચેલેન્જર્સ બેંગ્લોરની બરાબરી પર છે, જ્યારે નેટ રનમાં તે વધુ સારી સ્થિતિમાં છે. દિલ્હીનો નેટ રન રેટ 0.255 છે જ્યારે બેંગ્લોર -0.32 પર છે. ઈન્ડિયન પ્રીમિયર લીગની 15મી સિઝનની 64મી મેચમાં દિલ્હી કેપિટલ્સ અને પંજાબ કિંગ્સની ટીમો સામસામે આવી હતી. આ મેચ જીતીને બંને ટીમો પાસે પ્લેઓફનો દાવો મજબૂત કરવાની તક હતી. પંજાબે આ તક ગુમાવી હતી, જ્યારે દિલ્હીએ મજબૂત જીત સાથે તેને બંને હાથે પકડી લીધો હતો. આ મેચ બાદ હવે દિલ્હીની ટીમ 16 પોઈન્ટ પર પહોંચી જશે અને આગામી રાઉન્ડમાં જગ્યા બનાવવા તરફ આગળ વધશે, જ્યારે પંજાબ માત્ર 14 પોઈન્ટ સુધી જ પહોંચી શકશે.

ટૂર્નામેન્ટમાં તોફાની મુસાફરીમાંથી પસાર થઈ રહેલી દિલ્હીની ટીમનું પ્રદર્શન નામ પ્રમાણે જોરદાર નહોતું પરંતુ ટીમની રમત એટલી ખરાબ પણ નથી. ટીમ અત્યાર સુધી 7 મેચ જીતી ચુકી છે અને તેની પ્લેઓફની આશા જીવંત રાખી રહી છે, પરંતુ હવે તે તેની પ્રબળ દાવેદાર બની ગઈ છે. પંજાબ સામે સોમવારે 17 રને મળેલી જીતે ટીમનો માર્ગ મોકળો કરી દીધો છે.

દિલ્હીનો પ્લેઓફનો રસ્તો સરળ

દિલ્હીની ટીમને પ્લેઓફમાં પહોંચવા માટે હવે માત્ર એક વધુ જીતની જરૂર છે. પોઈન્ટ્સની દૃષ્ટિએ ટીમ હાલમાં રોયલ ચેલેન્જર્સ બેંગ્લોરની બરાબરી પર છે, જ્યારે નેટ રનમાં તે વધુ સારી સ્થિતિમાં છે. દિલ્હીનો નેટ રન રેટ 0.255 છે જ્યારે બેંગ્લોર -0.32 પર છે. આવી સ્થિતિમાં, જો બંને ટીમો 16-16 પોઈન્ટ સુધી પહોંચે છે, તો દિલ્હીને આગળ જવાની તક મળશે.

દિલ્હીની આશા પૂરી થઈ શકે છે

દિલ્હી અને બેંગ્લોર બંને તેમની આગામી મેચ હારી જશે તો દિલ્હી પાસે પણ આગળ જવાની તક હશે. હવે માત્ર એક જ કિસ્સામાં, જો દિલ્હી આગામી મેચ હારે અને બેંગ્લોર જીતે તો બહાર થઈ જશે. દિલ્હીની ટીમે મુંબઈ સામે રમવાનું છે જ્યારે બેંગ્લોરની મેચ ટુર્નામેન્ટમાં ટોચની ક્રમાંક ધરાવતી ગુજરાતની ટીમ સામે છે. જો કોલકાતા મેચ જીતશે તો તેના પણ 14 પોઈન્ટ થઈ જશે. બીજી તરફ હૈદરાબાદ અને પંજાબ પાસે પણ 14 પોઈન્ટ સુધી પહોંચવાની તક છે.