Entertainment News: બોલિવૂડના બે દિગ્ગજ કલાકારો એવા એક્ટર રિતિક રોશન અને દીપિકા પાદુકોણની ફિલ્મ ‘ફાઈટર’ 25 ડિસેમ્બરે રિલીઝ થઈ હતી. પરંતુ હવે આ ફિલ્મને લઈને હોબાળો થયો છે. વાસ્તવમાં, ફિલ્મમાં એક સીન છે, જેમાં દીપિકા અને રિતિક એરફોર્સનાં યુનિફોર્મમાં એકબીજાને કિસ કરે છે તેવું જોવા મળે છે. આસામમાં ફરજ બજાવતા વિંગ કમાન્ડર સૌમ્યદીપ દાસે આ અંગે વાંધો ઉઠાવ્યો છે. તેમણે ફિલ્મના નિર્દેશક સિદ્ધાર્થ આનંદની સાથે દીપિકા અને રિતિકને કાયદાકીય નોટિસ મોકલી છે. આ સીન અંગે સૌમ્યદીપ દાસનું કહેવું છે કે, એરફોર્સ યુનિફોર્મમાં આ રીતે કિસ કરવું ખોટું છે. આ વર્દીનું અપમાન છે.
View this post on Instagram
વધુ જણાવતાં તેઓ કહે છે કે, એરફોર્સ યુનિફોર્મ માત્ર કાપડનો ટુકડો નથી. આ આપણા દેશની રક્ષા માટે શિસ્ત અને બલિદાનની નિશાની છે. ફિલ્મમાં દીપિકા અને રિતિક એરફોર્સનાં મેમ્બર તરીકે જોવા મળી રહ્યા છે. આવી સ્થિતિમાં યુનિફોર્મ પહેરીને આવી હરકતો કરવી ખોટું છે. ઉપરાંત, આમ કરવાથી દેશની સેવામાં અસંખ્ય સૈનિકોની ગરિમા અને બલિદાનને ઠેસ પહોંચે છે. આ યુનિફોર્મ એક પવિત્ર પ્રતીક છે. તેનો ઉપયોગ અંગત સંબંધો દર્શાવતા ન થવો જોઈએ. વાયુસેનાનાં મહેમાનો પાસેથી ગૌરવ અને પ્રમાણિકતાની અપેક્ષા રાખવામાં આવે છે. આવો યુનિફોર્મ પહેરીને કિસ કરવી એ તમારા કામ પ્રત્યે બેજવાબદારીભર્યું વર્તન દર્શાવે છે.
તેમજ વિંગ કમાન્ડરે ફિલ્મના મેકર્સ પાસે આ સીન હટાવવાની માગ કરી છે. તેણે કહ્યું છે કે આ સીનને ફિલ્મમાંથી હટાવી દેવો જોઈએ અને મેકર્સે આખી દુનિયાની સામે દેશના જવાનોની માફી માંગવી જોઈએ. વિંગ કમાન્ડર ઇચ્છે છે કે નિર્માતાઓ તેમને લેખિત જવાબ આપે કે તેઓ ફરી ક્યારેય એરફોર્સના કર્મચારીઓની વર્દીનું અપમાન નહીં કરે.
ફિલ્મને રિલીઝ થયાને 12 દિવસ થયા છે, તેના કલેક્શનની વાત કરવામાં આવે તો બોક્સ ઓફિસ પર માત્ર 178 કરોડ રૂપિયાની કમાણી કરી છે. ફિલ્મની વાર્તા વિશે વાત કરીએ તો તે 2019માં થયેલા બાલાકોટ અને પુલવામા એર સ્ટ્રાઈકથી પ્રેરિત છે. આ ભારતના બહાદુરોની બહાદુરી દર્શાવે છે. એક એવો ફાઇટર જેની લડાઈ માત્ર દુશ્મન સાથે જ નહીં પણ પોતાની જાત સાથેની પણ લડાઈ છે. જેમાં રિતિક સ્ક્વોડ્રન લીડર શમશેર પઠાનિયા, દીપિકા સ્ક્વોડ્રન લીડર મીનલ રાઠોડ અને અનિલ કપૂર એરફોર્સ ઓપરેશન ચીફ બન્યા છે. અનિલ કપૂર ફિલ્મમાં શ્રેષ્ઠ પાઇલોટ્સની ટીમ બનાવે છે. તે પુલવામા અને બાલાકોટ બોર્ડર પર થયેલા હુમલાને દર્શાવે છે.
