તાજેતરનો ફિફા વર્લ્ડ કપ 2022માં કતારમાં યોજાઈ રહ્યો છે. હજુ એક દિવસ અગાઉ સાઉદી અરેબિયાના હાથે આર્જેન્ટીનાની હાર થઇ હતી. ત્યારે જાપાને તેની પહેલી જ મેચમાં ચાર વખતની ચેમ્પિયન જર્મનીને 2-1થી હરાવીને બધાને ચોંકાવી દીધા હતા.
FIFA વર્લ્ડ કપ 2022 ના ગ્રુપ E માં જાપાને જર્મનીને હરાવ્યું. જાપાન 2-1થી જીત્યું. ટીમ માટે તાકોમા અસનો અને રિત્સુ દૂને ગોલ કર્યા હતા. જ્યારે જર્મની તરફથી એકમાત્ર ગોલ ઇલ્કે ગુએન્ડોગને કર્યો હતો. મેચમાં જર્મનીની શરૂઆત સારી રહી હતી. ટીમે પહેલા હાફમાં જ એક ગોલ કર્યો હતો. પરંતુ આ પછી ટીમ મેચમાં વાપસી કરી શકી ન હતી.
મેચની શરૂઆતમાં 5મી મિનિટે જાપાનને કોર્નર કિક મળી હતી. આ પછી જર્મનીએ 14મી મિનિટે ગોલ કરવાનો પ્રયાસ કર્યો હતો. પરંતુ ટીમના કોઈપણ ખેલાડીને સફળતા મળી ન હતી. આ પછી જર્મનીએ 17મી મિનિટે ફરી પ્રયાસ કર્યો હતો. પરંતુ ટીમને સફળતા મળી ન હતી. આ પછી 19મી મિનિટે જાપાનના કુબોએ ફાઉલ કર્યો હતો. આ દરમિયાન જર્મનીએ પણ ફાઉલ કર્યો હતો. જર્મની સતત આક્રમક રમત રમી રહી હતી, જેનો ફાયદો તેને 33મી મિનિટે મળ્યો. ટીમ માટે ગુએન્ડોગને ગોલ કર્યો હતો. પ્રથમ હાફના અંતે સ્કોર 1-0 રહ્યો હતો.
બીજા હાફની 47મી મિનિટે જર્મનીએ ફરી આક્રમક રમત બતાવતા ગોલ કરવાનો પ્રયાસ કર્યો હતો. પરંતુ સફળતા ન મળી. આ પછી ટીમે 48મી મિનિટે ફાઉલ કર્યો હતો. આ પછી 50મી મિનિટે જાપાને મેચ પર કબજો જમાવવાનો પ્રયાસ કર્યો અને ગોલ કરવાનો પ્રયાસ કર્યો. પરંતુ ટીમ નિષ્ફળ રહી હતી. ત્યાર બાદ જાપાને 58મી અને 61મી મિનિટમાં ગોલ કરવાનો પ્રયાસ કર્યો હતો. પરંતુ ફરી સફળતા ન મળી. આ પછી 75મી મિનિટે રિત્સુએ ગોલ કરીને જાપાનને 1-1ની બરાબરી કરી હતી.
આ પછી 83મી મિનિટે જાપાન માટે અસનોએ ગોલ કર્યો હતો. આ રીતે જાપાને 1-2ની લીડ મેળવી હતી. ટીમે આ લીડને અંત સુધી જાળવી રાખી હતી અને જીત મેળવી હતી. આ મેચ ખૂબ જ રોમાંચક રહી હતી. જર્મનીએ અંત સુધી પ્રયાસ છોડ્યો નહીં. ટીમે 90મી મિનિટે ગોલ કરવાનો પ્રયાસ કર્યો હતો. પરંતુ સફળતા ન મળી.
