બોલિવૂડની ઘણી હિટ ફિલ્મોમાં પોતાની અભિનય શક્તિ સાબિત કરનાર પીઢ અભિનેતા વિક્રમ ગોખલેની હાલત નાજુક છે. વિક્રમ ગોખલે છેલ્લા કેટલાક દિવસોથી હોસ્પિટલમાં દાખલ છે. નવી માહિતી અનુસાર, અભિનેતાની હાલત હવે ખરાબ થઈ ગઈ છે. તેઓની હાલત ખુબ ગંભીર છે. તેમની સારવારમાં તબીબો કોઈ કસર છોડી રહ્યા નથી.
વિક્રમ ગોખલે પુણેની હોસ્પિટલમાં દાખલ છે. CINTAના વરિષ્ઠ પ્રમુખ મનોજ જોશીએ પીઢ અભિનેતા વિક્રમ ગોખલેની ગંભીર હાલત વિશે માહિતી આપી છે. તેમણે કહ્યું કે વિક્રમ ગોખલેની હાલત ગંભીર છે અને તે પુણેની દીનાનાથ મંગેશકર હોસ્પિટલમાં દાખલ છે. નવી માહિતી મુજબ વિક્રમ ગોખલેની હાલત વધુ ખરાબ થઈ ગઈ છે. ડોક્ટરોએ સપોર્ટ સિસ્ટમ પણ હટાવી લીધી છે.
વિક્રમ ગોખલેની ગંભીર હાલતની જાણ થતાં જ અભિનેતાના તમામ ચાહકો નિરાશ થઈ ગયા હતા. વિક્રમ ગોખલેના તમામ નજીકના અને પ્રિયજનો તેમના સાજા થવા માટે પ્રાર્થના કરી રહ્યા છે. દરેક વ્યક્તિ ઈચ્છે છે કે વિક્રમ ગોખલે જલ્દી સ્વસ્થ થઈ જાય.
વિક્રમ ગોખલે 82 વર્ષના છે. રિપોર્ટ્સમાં કહેવામાં આવી રહ્યું છે કે તબિયત બગડવાના કારણે તેમને થોડા દિવસો પહેલા હોસ્પિટલમાં દાખલ કરવામાં આવ્યા હતા. સારવાર બાદ તેમની તબિયતમાં સુધારો થવા લાગ્યો હતો, પરંતુ છેલ્લા કેટલાક દિવસોથી તેમની તબિયત ફરીથી બગડી હતી અને હવે તેઓ ખૂબ જ નાજુક સ્થિતિમાં છે.
અમિતાભ-સલમાન સાથે કામ કર્યું
વિક્રમ ગોખલેએ વર્ષ 1971માં 26 વર્ષની ઉંમરે અભિનયની શરૂઆત કરી હતી. તેમની પહેલી ફિલ્મ બોલિવૂડના શહેનશાહ અમિતાભ બચ્ચન સાથે હતી, જેનું નામ પરવાના હતું. વિક્રમ ગોખલે બ્લોકબસ્ટર ફિલ્મ ‘હમ દિલ દે ચૂકે સનમ’ માટે જાણીતા છે. આ ફિલ્મમાં તેમણે ઐશ્વર્યા રાય બચ્ચનના પિતાની ભૂમિકા ભજવી હતી. આ સિવાય તેમને અગ્નિપથ અને ખુદા ગવાહમાં પણ ખૂબ પસંદ કરવામાં આવ્યા હતા.
વિક્રમ ગોખલેને મરાઠી ફિલ્મ અલોવીમાં તેમના શાનદાર અભિનય માટે 2010માં શ્રેષ્ઠ અભિનેતાના રાષ્ટ્રીય પુરસ્કારથી પણ સન્માનિત કરવામાં આવ્યા હતા. વિક્રમ ગોખલે મરાઠી થિયેટર અને ફિલ્મ અભિનેતા ચંદ્રકાંત ગોખલેના પુત્ર છે. વિક્રમ ગોખલેને 2010માં મરાઠી ફિલ્મ અલોવીમાં તેમના શાનદાર અભિનય માટે શ્રેષ્ઠ અભિનેતાનો રાષ્ટ્રીય પુરસ્કાર પણ એનાયત કરવામાં આવ્યો હતો. તેણે સિનેમા જગતમાં પોતાનું મોટું યોગદાન આપ્યું છે. અભિનેતાના તમામ ચાહકો હવે તેના સાજા થવા માટે પ્રાર્થના કરી રહ્યા છે.
