બ્લોકબસ્ટર ફિલ્મ ધ કાશ્મીર ફાઇલ્સ (The Kashmir Files) ના ડિરેક્ટર વિવેક અગ્નિહોત્રીની પત્ની પલ્લવી જોશી (Pallavi Joshi) નો અકસ્માત થયો છે. હકીકતમાં, પલ્લવી આગામી ફિલ્મ ધ વેક્સીન વોર (The Vaccine War) નું શૂટિંગ કરી રહી હતી અને સેટ પર જ તેનો અકસ્માત થયો હતો. શૂટિંગ દરમિયાન તેને એક વાહને ટક્કર મારી હતી, જેના કારણે તેને ઈજા થઈ હતી. જો રિપોર્ટ્સનું માનીએ તો પલ્લવીએ ઈજાગ્રસ્ત થયા પછી પણ તેનું શૂટિંગ પૂરું કર્યું હતું. આ પછી તેને સારવાર માટે હોસ્પિટલમાં લઈ જવામાં આવી હતી. જણાવી દઈએ કે ફિલ્મનું શૂટિંગ હૈદરાબાદમાં ચાલી રહ્યું છે.
ફિલ્મ સાથે જોડાયેલા એક સૂત્રએ જણાવ્યું કે, ધ વેક્સીન વોરનું શૂટિંગ હૈદરાબાદમાં થઈ રહ્યું છે. અહીં બનેલી ફિલ્મના સેટ પર પલ્લવી જોશીનો અકસ્માત થયો હતો. જો કે, આ બધું એટલું અચાનક બન્યું કે કોઈને કંઈ સમજાયું નહીં. સૂત્રએ ઉમેર્યું હતું કે સેટ પર એક વાહને નિયંત્રણ ગુમાવ્યું હતું અને પલ્લવીને ટક્કર મારી હતી. આ અકસ્માતમાં તેને ઈજાઓ થઈ હતી. ઈજાગ્રસ્ત હોવા છતાં, તેણીએ તેનો શોટ પૂર્ણ કર્યો અને પછી સારવાર માટે નજીકની હોસ્પિટલમાં ગઈ. કહેવામાં આવી રહ્યું છે કે તે અત્યારે ઠીક છે.
પલ્લવી જોશીએ શૂટિંગ સેટ પરથી ફોટો શેર કર્યો છે
આપને જણાવી દઈએ કે ધ કાશ્મીર ફાઇલ્સ હિટ થયા બાદ હવે વિવેક અગ્નિહોત્રી નવી ફિલ્મ ધ વેક્સીન વોર લઈને આવી રહ્યા છે. તેણે આ ફિલ્મનું શૂટિંગ પણ શરૂ કરી દીધું છે. તેની પત્ની પલ્લવી જોશી પણ વિવેકની ફિલ્મમાં કામ કરી રહી છે. અકસ્માતના એક દિવસ પહેલા પલ્લવીએ તેના ઈન્સ્ટાગ્રામ પર એક ફોટો પોસ્ટ કર્યો હતો, જેમાં તે ખૂબ જ ખુશ દેખાઈ રહી હતી. તેણે ફોટો શેર કરીને લખ્યું – ધ વેક્સીન વોરના સેટ પરથી.
ફિલ્મ ધ વેક્સીન વોર આ પ્રકારની હશે
દિગ્દર્શક વિવેક અગ્નિહોત્રીની ફિલ્મ ધ વેક્સીન વોર કોવિડ 19 વચ્ચે મેડિકલ અને સાયટીસ્ટના સમર્થનને સમર્પિત ફિલ્મ છે. કોવિડ રસી કેવી રીતે તૈયાર કરવામાં આવી તે બતાવવામાં આવશે. જણાવી દઈએ કે આ ફિલ્મ આ વર્ષે 15 ઓગસ્ટે રિલીઝ થશે.
આ પણ વાંચો:તારક મહેતા કા ઉલ્ટા ચશ્મામાં થઇ આ બોલ્ડ અભિનેત્રીની એન્ટ્રી, ફરી શરૂ થશે બાઘાની લવસ્ટોરી
