Surat News: ઉત્તરાખંડમાં છેલ્લા કેટલાક દિવસોથી ભારે વરસાદના કારણે યાત્રા વ્યવસ્થા પ્રભાવિત થઈ છે. કેદારનાથ (Kedarnath ) સહિત ચારધામ વિસ્તારમાં ખરાબ હવામાન અને વરસાદને પગલે યાત્રીઓની અવરજવર પર અસર (Kedarnath Rain Surat Pilgrims) પડી છે. સત્તાવાર અહેવાલો મુજબ, 27 સપ્ટેમ્બરે ભારે વરસાદ અને ભૂસ્ખલનના જોખમને પગલે કેદારનાથ યાત્રા અટકાવવામાં આવી હતી.
આ દરમિયાન સુરતના અલથાણ વિસ્તારના 14 લોકોનું એક ગ્રુપ કેદારનાથ દર્શન માટે ગયું હોવાનું સામે આવ્યું છે. પરિવારજનોના જણાવ્યા મુજબ, ખરાબ હવામાનના કારણે ગ્રુપના સભ્યો મુશ્કેલીમાં ફસાયા (Kedarnath Rain Surat Pilgrims) છે. તેમાંથી ત્રણ લોકોને હેલિકોપ્ટર મારફતે સલામત સ્થળે ખસેડવામાં આવ્યા હોવાનો દાવો કરવામાં આવ્યો છે, જ્યારે બાકીના 11 લોકો માટે પરિવારજનો ચિંતિત છે.
Kedarnath Rain Surat Pilgrims: ‘પ્લીઝ અમને હેલ્પ કરો…’ રંજનબેનની ભાવુક અપીલ
આ મુશ્કેલ પરિસ્થિતિ વચ્ચે અલથાણના રંજનબેન પંચાલે કેદારનાથથી એક વીડિયો બનાવી મદદ માટે અપીલ (Kedarnath Rain Surat Pilgrims) કરી છે. વીડિયોમાં તેઓ ભાવુક થઈને જણાવે છે કે તેઓ કેદારનાથ આવ્યા છે અને સતત વરસાદને કારણે ત્યાં અટવાઈ ગયા છે. તેમણે ગુજરાત સરકારને તેમના ગ્રુપને સુરક્ષિત રીતે પરત લાવવા માટે મદદ કરવાની વિનંતી કરી છે. રંજનબેન વીડિયોમાં પોતાના ગ્રુપમાં અનેક લોકો હોવાનું જણાવતા સરકાર પાસે તાત્કાલિક સહાયની અપીલ કરતા જોવા મળે છે.
આસપાસના વાતાવરણથી પરિવારજનોની ચિંતા વધી
વીડિયોમાં કેદારનાથ વિસ્તારમાં ખરાબ હવામાનની સ્થિતિ પણ જોવા મળતી હોવાનો પરિવારજનોનો દાવો છે. યાત્રીઓ મુશ્કેલીમાં હોવાની માહિતી સામે આવ્યા બાદ સુરતમાં રહેતા તેમના પરિવારજનોમાં ચિંતા વધી છે. પરિવારજનોની માંગ છે કે સંબંધિત તંત્ર સુરતના યાત્રીઓની (Kedarnath Rain Surat Pilgrims) સ્થિતિ અંગે માહિતી મેળવે અને જરૂરિયાત મુજબ તેમને સુરક્ષિત સ્થળે ખસેડવાની વ્યવસ્થા કરે.
ઉત્તરાખંડમાં ભારે વરસાદથી યાત્રા પર અસર
હાલ ઉત્તરાખંડમાં ભારે વરસાદને કારણે અનેક વિસ્તારોમાં યાત્રા અને વાહનવ્યવહાર પ્રભાવિત થયો છે. 27 સપ્ટેમ્બરે સિરોબગડ નજીક ભૂસ્ખલનના કારણે બદ્રીનાથ નેશનલ હાઇવેનો માર્ગ પણ અવરોધિત થયો હતો અને હજારો યાત્રીઓ અટવાયા હોવાના અહેવાલો આવ્યા હતા. કેદારનાથ યાત્રા પણ ખરાબ હવામાનને કારણે રોકવામાં આવી હતી. હવામાન વિભાગે પણ ઉત્તરાખંડના કેટલાક વિસ્તારો માટે ભારે વરસાદની ચેતવણી આપી હતી. રુદ્રપ્રયાગ સહિતના વિસ્તારોમાં વરસાદને કારણે યાત્રીઓની સલામતી માટે ખાસ તકેદારી રાખવામાં આવી રહી હતી.
સુરતના 11 યાત્રીઓની સુરક્ષિત વાપસીની માંગ
સુરતના આ ગ્રુપ અંગે પરિવારજનોની મુખ્ય માંગ એ છે કે બાકી રહેલા 11 યાત્રીઓની સ્થિતિ અંગે તાત્કાલિક માહિતી મેળવવામાં આવે અને જો તેઓ જોખમી પરિસ્થિતિમાં હોય તો સ્થાનિક પ્રશાસન સાથે સંકલન કરીને તેમને સુરક્ષિત સ્થળે ખસેડવામાં આવે.
હાલ ઉત્તરાખંડમાં રેસ્ક્યૂ અને રાહત કામગીરી હવામાનની સ્થિતિને ધ્યાનમાં રાખીને કરવામાં આવી રહી છે. 28 સપ્ટેમ્બરના અહેવાલો મુજબ ભારે વરસાદને કારણે હજારો યાત્રીઓને અલગ-અલગ સ્થળોએ રોકવામાં આવ્યા હતા અને હવામાન સુધરે ત્યારબાદ રેસ્ક્યૂ કામગીરી આગળ વધારવાની વાત સામે આવી છે.
આ પણ વાંચો:રજિસ્ટ્રેશન વિના ગુજરાતીઓ પહોચ્યા ચારધામ યાત્રા, ઋષિકેશમાં અટકાવી દેવાયા હવે …. ?
આ પણ વાંચો:ઉત્તરાખંડમાં અતિ ભારે વરસાદના લીધે ચારધામની યાત્રા હાલ બંધ,અનેક ગુજરાતીઓ ફસાયા
