કોલકાતાના ઈડન ગાર્ડનમાં રમાઈ રહેલી ઈન્ડિયા અને શ્રીલંકા વચ્ચેની પ્રથમ ટેસ્ટમાં ભારતીય ટીમે શ્રીલંકાને ૨૩૧ રનનો ટાર્ગેટ આપ્યો છે. ટેસ્ટની પહેલીં ઈનિંગમાં માત્ર ૧૭૨ રન પર જ સમેટાઈ ગયેલી ભારતીય ટીમે બીજી ઇનિંગ્સમાં ૮ વિકેટે ૩૫૨ રનનો સ્કોર ખડકયો હતો અને બીજો દાવ ડિક્લેર કરી ૨૩૧ રનનો લક્ષ્યાંક આપ્યો છે. બીજી ઇનિગ્સમા કેપ્ટન વિરાટ કોહલીએ શાનદાર સદી ફટકારી હતી. આ કોહલીના ટેસ્ટ કેરિયરની ૧૮ મી સદી છે. જયારે પ્રથમ ઇનિંગ્સમાં શ્રીલંકાએ ૨૯૪ રન બનાવી ૧૨૨ રનની મહત્વપૂર્ણ લીડ મેળવી હતી.