અનિયંત્રિત હંગામાનાં કારણે વિશ્વનાં વિવિધ દેશોમાં સંસદ સત્રો અથવા વિધાનસભાઓ મુલતવી રાખવામાં આવે છે. પરંતુ આજે અમે તમને એવું જ એક વિચિત્ર-નબળું કારણ જણાવવા જઈ રહ્યા છીએ જેના કારણે આફ્રિકન દેશ કેન્યાની એક વિધાનસભા મુલતવી રાખવામાં આવી હતી. વિધાનસભા સ્થગિત કરવાનું કારણ જાણીને દરેક આશ્ચર્યચકિત છે. ચોક્કસ પણે તમે પણ આ કેન્યાની વિધાનસભા સ્થગિત થવાનું કારણ જાણી ચોંકી જશો.
મીડિયા રિપોર્ટ્સ અનુસાર, કેન્યાની હોમા બે કાઉન્ટી એસેમ્બલીમાં બુધવારે કેટલાક વિષય પર પક્ષ અને વિરોધ પક્ષની વચ્ચે જોરદાર ચર્ચા થઈ રહી હતી. જે સમયે એસેમ્બલીનાં જ કોઇ એક સભ્યએ ગેસ છોડ્યો. અજાણ્યા સભ્ય દ્વારા ગેસ છોડ્યા બાદ સમગ્ર એસેમ્બલી કક્ષમાં ભયંકર ગંધ ફેલાઈ હતી, જે પછી સભ્યો એક બીજાની સામે જોવા લાગ્યા હતા. સદનમાં દુર્ગંધ આવતા, સભ્યો એકબીજા પર ગેસ છોડવાનો આરોપ લગાવતા રહ્યા. એક સભ્યએ આ સમગ્ર મામલે વક્તાને ફરિયાદ પણ કરી દીધી. સભ્યએ કહ્યું, “આપણામાંથી જ કોઈ સભ્યએ સદનમાં ગંદી ગેસ છોડી દીધી છે.”
સભ્યોનાં વિરોધ બાદ સ્પીકરે વિધાનસભાને 10 મિનિટ માટે મુલતવી રાખી હતી. જે બાદ વિધાનસભાનાં સભ્યો તાત્કાલિક કોઈ વિલંબ કર્યા વિના ચેમ્બરની બહાર દોડી ગયા હતા. બાદમાં સ્પીકરે કર્મચારીઓને ઓરડામાં ફ્રેશનર મૂકવાનો આદેશ આપ્યો. એવું કહેવામાં આવી રહ્યું છે કે, સ્પીકર આ પરિસ્થિતિથી એટલા ગુસ્સે હતા કે તેમણે કર્મચારીઓને કોઈ પણ વિલંબ કર્યા વિના કોઈ પણ સુગંધનો ફ્રેશનર છાંટવાનો આદેશ આપ્યો. જો કે, થોડા સમય પછી જ્યારે એસેમ્બલીનું વાતાવરણ ઠીક થઈ ગયું, ત્યારે તમામ સભ્યો પોતપોતાના સ્થળે આવી ગયા અને કાર્યવાહી આગળ ચાલી હતી.
ઉલ્લેખનીય છે કે, આફ્રિકન દેશ કેન્યાની આ વિધાનસભામાં બનેલા આવા કિસ્સાએ ત્યા હાજર સભ્યોને થોડી ક્ષણો માટે નાક બંધ કરવા મજબૂર જરૂર કરી દીધા હતા. જો કે 10 મિનિટ સુધી સ્થગિત કરવામાં આવેલા સદનનાં વાતાવરણને બાદમાં ફ્રેશનર છાંટી શુદ્ધ કરવામા આવ્યુ હતુ.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
