Surat News: અમદાવાદ પછી રાજ્યમાં સૌથી વધુ દારૂની પરમીટ ધરાવતા સુરતમાં હવે લાયસન્સ વાળા દારૂ પીવો મોંઘો થશે. શહેરની સિવિલ હોસ્પિટલોમાં પણ નવી અને રિન્યુઅલ પરમીટ માટેની ફી લાગુ કરવામાં આવી છે. નવી પરમિટની કિંમતમાં 15,000 રૂપિયાનો વધારો કરવામાં આવ્યો છે. રિન્યુઅલ પરમિટમાં પણ 15,000 રૂપિયાનો વધારો કરવામાં આવ્યો છે.
શહેર જિલ્લામાં 12,500થી વધુ લોકો પાસે દારૂની પરમીટ
રાજ્યના ટોચના પાંચ શહેરી જિલ્લાઓમાં ધીમે ધીમે દારૂ પરમિટ ધારકોની સંખ્યામાં વધારો થઈ રહ્યો છે. સૌથી વધુ પરમિટ સાથે અમદાવાદ પ્રથમ ક્રમે છે અને ત્યાર બાદ સુરત છે. સુરત શહેરી જિલ્લામાં 12,500 થી વધુ લોકો પાસે દારૂની પરમીટ છે. સુરતમાં છેલ્લા ચાર વર્ષમાં હેલ્થ પરમિટ હેઠળ દારૂ પીનારાઓની સંખ્યામાં સતત વધારો થયો છે. જાન્યુઆરી 2024માં પરમિટ ધારકોની સંખ્યા 44,002 પર પહોંચી હતી
એન્ટી નાર્કોટિક્સ ફોર્સ અનુસાર, નિયમ 64 હેઠળ આરોગ્ય પરમિટ ધારકોની કુલ સંખ્યા, એટલે કે સ્વાસ્થ્યના આધારે દારૂ પીવાની પરવાનગી, જાન્યુઆરી 2021માં 31,510 હતી. જે જાન્યુઆરી 2022માં વધીને 38,970 થઈ ગઈ. જાન્યુઆરી 2023માં હેલ્થ પરમિટ ધારકોની સંખ્યા 41,953 પર પહોંચી હતી. હવે જાન્યુઆરી 2024માં આ આંકડો 44,002 પર પહોંચી ગયો છે.
સંકલન બેઠકમાં વધારો કરવાનો નિર્ણય લેવાયો હતો
ગત મહિને મળેલી સંકલન બેઠકમાં સુરત શહેરમાં દારૂની પરમીટના ભાવમાં વધારો કરવાનો નિર્ણય લેવાયો હતો. આ નિર્ણય બાદ દારૂની નવી પરમિટની નવી કિંમત જે 10,000 રૂપિયા હતી તે વધારીને 25,000 રૂપિયા કરી દેવામાં આવી છે અને પરમિટ રિન્યુ કરવાની જૂની કિંમત જે 5,000 રૂપિયા હતી તે સીધો વધારીને 20,000 રૂપિયા કરવામાં આવી છે. સુરત શહેરમાં દારૂની પરમીટ મેળવવામાં મોટો વધારો થશે. ભાવ વધારાની આ રકમ નવી સિવિલ હોસ્પિટલની દર્દી કલ્યાણ સમિતિમાં જમા કરવામાં આવે છે.
આ પણ વાંચો:છ વર્ષ પછી જમ્મુ-કાશ્મીરમાંથી રાષ્ટ્રપતિ શાસન હટાવી લેવાયું
આ પણ વાંચો:જમ્મુ-કાશ્મીરના ગોળીઓના નિશાન સાથેનો જવાનનો મૃતદેહ મળ્યો
આ પણ વાંચો:જમ્મુ-કાશ્મીરમાં ચૂંટણીમાં NCની જીત થતાં ઓમર અબ્દુલા બનશે મુખ્યમંત્રી
