વડાપ્રધાન નરેન્દ્ર મોદી તેમના ત્રણ દિવસીય યુરોપ પ્રવાસ પર છે. અહીં બીજા દિવસે તેઓ ડેનમાર્ક પહોંચી ગયા છે. ડેનમાર્કમાં તેમનું ભવ્ય સ્વાગત કરવામાં આવ્યું હતું. જણાવી દઈએ કે ડેનમાર્કના વડાપ્રધાન મેટ્ટે ફ્રેડરિકસેને એરપોર્ટ પર તેમનું સ્વાગત કર્યું હતું.
ડેન્માર્ક પહોંચ્યા બાદ વડા પ્રધાન નરેન્દ્ર મોદીએ કોપનહેગનમાં ડેનિશ વડા પ્રધાન મેટ્ટે ફ્રેડરિકસનના નિવાસસ્થાને અંગત મુલાકાત લીધી હતી. આ પ્રવાસમાં ડેનમાર્કના પીએમ પણ તેમની સાથે હતા. વડાપ્રધાન નરેન્દ્ર મોદી અને ડેનિશ પીએમ મેટ્ટે ફ્રેડ્રિકસને ડેનમાર્કના કોપનહેગનમાં તેમના નિવાસસ્થાને લાંબી વાતચીત કરી.
પીએમ મોદી ડેનિશ વડા પ્રધાન મેટ્ટે ફ્રેડ્રિક્સન સાથે પ્રતિનિધિમંડળ સ્તરની વાટાઘાટો કરશે અને એમઓયુની આપ-લે કરશે તેવી અપેક્ષા છે. બાદમાં તે બિઝનેસ રાઉન્ડ ટેબલમાં હાજરી આપશે અને રાણી માર્ગ્રેથે સાથે રાત્રિભોજન કરશે. તમને જણાવી દઈએ કે પીએમ મોદીએ પોતાનો પહેલો દિવસ જર્મનીમાં વિતાવ્યો હતો.
ઉલ્લેખનીય છે કે PM મોદી સોમવારે પોતાની ત્રણ દિવસીય મુલાકાતના પહેલા દિવસે જર્મની પહોંચ્યા હતા. ભારત અને જર્મની વચ્ચે અનેક કરારો થયા હતા. ભારતના કૃષિ પ્રધાન નરેન્દ્ર સિંહ તોમર અને જર્મનીના આર્થિક સહકાર અને વિકાસ પ્રધાન વેન્જા શુલ્ઝ વચ્ચેની વર્ચ્યુઅલ બેઠકમાં કૃષિ ક્ષેત્રને લગતો એક મહત્વપૂર્ણ કરાર થયો હતો. કરાર કૃષિ ક્ષેત્રમાં કુદરતી સંસાધનોના બહેતર સંચાલન પર ધ્યાન કેન્દ્રિત કરે છે. આ અંતર્ગત બંને દેશો આ ક્ષેત્રમાં સામાન્ય સંશોધનને પ્રોત્સાહન આપશે અને માહિતીની આપ-લે કરશે.
આ પણ વાંચો: Tweet/ અખિલેશ યાદવે PM નરેન્દ્ર મોદી પર નિશાન સાધ્યું, કહ્યું, ‘ડેટાથી પેટ નથી ભરતું’
આ પણ વાંચો: War/ રશિયા-યુક્રેન બાદ હવે ચીન અને તાઈવાન વચ્ચે થશે યુદ્ધ? વાંચો વિસ્તૃતમાં
