Maha Kumbh 2025: અદાણી ગ્રુપ (Adani Group) પ્રયાગરાજમાં (Prayagraj) યોજાનારા મહાકુંભમાં ભક્તોને ‘આરતી કલેક્શન’ની (Aarti Collection) એક કરોડ નકલોનું વિનામૂલ્યે વિતરણ કરશે. આ માટે અદાણી ગ્રુપે ગીતા પ્રેસ સાથે ડીલ કરી છે. આરતી સંગ્રાહ નામનું આ પુસ્તક ગીતા પ્રેસ (Geeta Press) દ્વારા પ્રકાશિત કરવામાં આવ્યું છે અને તે સનાતન સાહિત્ય સેવાની પહેલનો એક ભાગ છે. ભારતીય સંસ્કૃતિના જતન, પ્રચાર અને પ્રસાર માટે સમર્પિત સંસ્થા ગીતા પ્રેસના પ્રતિનિધિઓ શુક્રવારે અમદાવાદમાં અદાણી ગ્રુપના ચેરમેન ગૌતમ અદાણીને મળ્યા હતા. અદાણીએ સોશિયલ મીડિયા પ્લેટફોર્મ ‘X’ પર લખ્યું, “મહા કુંભ એ ભારતીય સંસ્કૃતિ અને ધાર્મિક આસ્થાનો એક મહાન યજ્ઞ છે. અમારા માટે ખૂબ જ આનંદની વાત છે કે આ મહાયજ્ઞમાં પ્રતિષ્ઠિત સંસ્થા ગીતા પ્રેસના સહયોગથી અમે કુંભમાં આવનારા ભક્તોને ‘આરતી સંગ્રહ’ની એક કરોડ નકલો વિનામૂલ્યે આપી રહ્યા છીએ.
ગીતા પ્રેસના પ્રતિનિધિઓ ગૌતમ અદાણીને મળ્યા હતા
महाकुम्भ भारतीय संस्कृति और धार्मिक आस्था का महायज्ञ है!
यह हमारे लिए अपार संतुष्टि का विषय है कि इस महायज्ञ में प्रतिष्ठित संस्थान गीता प्रेस के सहयोग से हम ‘आरती संग्रह’ की एक करोड़ प्रतियां कुम्भ में आए श्रद्धालुओं की सेवा में निःशुल्क अर्पित कर रहे हैं।
आज सनातन साहित्य के… pic.twitter.com/jGixzGafz8
— Gautam Adani (@gautam_adani) January 10, 2025
તેમણે કહ્યું, “ધર્મ અને સંસ્કૃતિ પ્રત્યે નિઃસ્વાર્થ સેવા અને જવાબદારીની ભાવના એ દેશભક્તિનું એક સ્વરૂપ છે જેના માટે આપણે બધા પ્રતિબદ્ધ છીએ. સેવા એ ધ્યાન છે, સેવા એ પ્રાર્થના છે અને સેવા એ જ ભગવાન છે.” અદાણીએ કહ્યું, ”આજે હું ગીતા પ્રેસના આદરણીય પદાધિકારીઓથી પ્રેરિત થયો, જેઓ સનાતન સાહિત્ય દ્વારા 100 વર્ષથી દેશની સેવા કરી રહ્યા છે અને મને આનો લહાવો મળ્યો. સનાતન ધર્મની સેવા માટે પ્રતિબદ્ધ ગીતા પ્રેસની ઉત્કૃષ્ટ સેવા બદલ હું કૃતજ્ઞતા વ્યક્ત કરું છું, ગીતા પ્રેસે વર્ષ 2023માં તેના 100 વર્ષ પૂર્ણ કર્યા છે. અદાણી ગ્રૂપ સાથેના સહકાર અંગે ગીતા પ્રેસના પ્રતિનિધિઓએ જણાવ્યું હતું કે તેઓ પવિત્ર ભાવના સાથે કામ કરતી દરેક સંસ્થા માટે અત્યંત આદર ધરાવે છે. ગીતા પ્રેસ વતી જનરલ સેક્રેટરી નીલરતન ચાંદગોઠિયા, ટ્રસ્ટી દેવી દયાલ અગ્રવાલ, ટ્રસ્ટ બોર્ડના સભ્ય રામ નારાયણ ચાંડક, મેનેજર લાલ મણિ તિવારી અને આચાર્ય સંજય તિવારી અદાણીને મળ્યા હતા.
મહાપ્રસાદની સેવા પણ યોજાશે
અદાણી ગ્રુપ અને ઈસ્કોન મહાકુંભ મેળામાં ભક્તોને ભોજન પીરસવા હાથ મિલાવ્યા છે. 13મી જાન્યુઆરીથી 26મી ફેબ્રુઆરી સુધીના મહાકુંભ મેળાના સમગ્ર સમયગાળા દરમિયાન બંને સંસ્થાઓ દ્વારા મહાપ્રસાદની સેવા પૂરી પાડવામાં આવશે. 50 લાખ ભક્તોને મહાપ્રસાદની સેવા આપવામાં આવશે અને મેળાના વિસ્તારની અંદર અને બહાર બે રસોડામાં ભોજન તૈયાર કરવામાં આવશે. મહાકુંભ વિસ્તારમાં 40 સ્થળોએ મહાપ્રસાદનું વિતરણ કરવામાં આવશે અને 2,500 સ્વયંસેવકો પહેલમાં સામેલ થશે. દિવ્યાંગો, વૃદ્ધો અને બાળકો સાથે માતાઓ માટે ગોલ્ફ કાર્ટની વ્યવસ્થા કરવામાં આવી છે.
આ પણ વાંચો: મહાકુંભમાં નાગા સન્યાસીઓના આનંદ અખાડાની ભવ્ય કેન્ટોનમેન્ટ એન્ટ્રી
આ પણ વાંચો: મહાકુંભ મેળામાં ભક્તો કેમ કરે છે કલ્પવાસ? જાણો તેનો મહિમા
આ પણ વાંચો: લીલો,લાલ,વાદળી અને નારંગી… મહાકુંભમાં 4 જુદા જુદા રંગના QR કોડ સ્થાપિત; જાણો કેવી રીતે કરશે કામ?
