Ahmedabad News : જમીનની નોંધ કરાવવા સંદર્ભે બાવળા સીટી સર્વે કચેરીના મેન્ટેનસ સર્વેયરની પાંંચ હજાર રૂપિયાની લાંચ લેતા એસીબીએ દરપકડ કરી હતી.આ કેસની વિગત મુજબ ફરિયાદીના અસીલની એન. એ થયેલ જમીનની સીટી સર્વે કચેરી બાવળા ખાતે કાચી નોંધ પડેલી હતી.
બાદમાં તેની પ્રમાણિત નોંધ સંદર્ભે બાવળા સ્થિત સીટી સર્વે સુપ્રિન્ટેન્ડન્ટની કચેરીના મેન્ટેનસ સર્વેયર પંકજ એમ.પટેલે ફરિયાદી સાથે નોંધ પ્રમાણીત કરવા બાબતે વાતચીત કરી રૂ.૫,૦૦૦/- ની લાંચ ની માંગણી કરી હતી. ઉપરાંત આ લાંચના નાણાં આજ રોજ આપી જવાનો વાયદો કર્યો હતો. બીજીતરફ ફરીયાદી આ લાંચ ની રકમ આપવા માંગતા ના હોવાથી તેમણે એ.સી.બી નો સંપર્ક કર્યો હતો. જેને આધારે ACB ની ટીમે સીટી સર્વે કચેરી બાવળા ખાતે લાચનું છટકું ગોઠવ્યું હતું.
જેમાં ફરીયાદી પાસે રૂ.૫,૦૦૦/- ની લાંચની માગણી કરી, સ્વીકારી આરોપી પંકજ પટેલે અન્ય આરોપી (પ્રજાજન) મનસુખ એસ.ઠાકોર સાથે પંચ ની હાજરી માં પૈસા મળી જવા બાબતે ફોન કરી સ્પિકર ઉપર વાત કરી હતી. બાદમાં પંકજ પટેલે નાણાં સ્વીકારવા બાબતે સમર્થનકારક વાતચીત કરી હતી. બાદમાં પંકજ પટેલ સ્થળ ઉપર પકડાઈ ગયો હતો. બીજીતરફ આરોપી મનસુખ ઠાકોર સામે ગુનો નોંધીને વધુ તપાસ હાથ ધરી છે.
આ પણ વાંચો: અમદાવાદમાં અલગ અલગ બનાવમાં એક જ દિવસમાં સગીર સહિત ચાર જણાનો આપઘાત
