તમે ક્યારેય 200 ગ્રામ વજનવાળા ઘઉંનો દાણો જોયો છે કે સાંભળ્યું છે. અને તે પણ 5000 વર્ષ જૂનું ? જો નહીં, તો આજે અમે આપને એક આવા જ ઘઉંના દાણા વિશેજનાવી રહ્યા છીએ. મામલેશ્વર મહાદેવ મંદિર કે જે હિમાચલ પ્રદેશના કરસોગા ખીણના મેમેલ ગામમાં સ્થિત છે. હિમાચલ પ્રદેશ, જેને દેવ ભૂમિ તરીકે પણ ઓળખવામાં આવે છે, દરેક ખૂણામાં કેટલાક પ્રાચીન મંદિર છે. જેમાંથી એક  મામલેશ્વર મહાદેવ મંદિર છે જે ભગવાન શિવ અને માતા પાર્વતીને સમર્પિત છે. આ મંદિર પાંડવો સાથે પણ સંબંધિત છે કારણ કે પાંડવોએ આ ગામમાં તેમના અજ્ઞાત વાસ દરમિયાન થોડો સમય પસાર કર્યો હતો.

ભીમે અહીં રાક્ષસનો વધ કર્યો:

આ મંદિરમાં એક ધૂણો છે જે કહેવાય છેકે મહાભારત કાળથી જ પ્રજ્વલિત છે.  આ અખંડ ધુણા પાછળ એક વાર્તા છે કે જ્યારે પાંડવો અજ્ઞાતવાસમાં ફરતા હતા, ત્યારે તેઓ થોડા સમય આ ગામમાં રહ્યા. ત્યારબાદ આ ગામની એક ગુફામાં એક રાક્ષસ રહેતો હતો. રાક્ષસના ક્રોધથી બચવા માટે, લોકોએ તે રાક્ષસ સાથે કરાર કર્યો હતો કે તે રોજ એક વ્યક્તિને તેના ભોજન માટે મોકલશે જેથી તે આખા ગામને એક સાથે નહીં ખાય.  એક દિવસ, ઘરના છોકરાનો નંબર આવ્યો જેમાં પાંડવો રોકાયા હતા. છોકરાની માતાને રડતા જોઈને, પાંડવોએ તેનું કારણ પૂછ્યું, પછી તેઓએ ભીમ ને કહ્યું કે આજે મારે મારા પુત્રને રાક્ષસ પાસે મોકલવાનો છે. પાંડવોમાંથી, ભીમ મહેમાન તરીકે પોતાનો ધર્મ બજાવવા માટે  તે છોકરાને બદલે રાક્ષસ પાસે ગયો. જ્યારે ભીમ તે રાક્ષસ પાસે ગયો, ત્યારે બંને વચ્ચે જોરદાર લડાઈ થઈ .  ભીમે તે રાક્ષસનો વધ કર્યો અને ગામને રાક્ષસના કહેરથી બચાવ્યું. એવું કહેવામાં આવે છે કે ભીમની જીતની યાદમાં આ અખંડ ધૂણો આજે પણ આ ગમ્માંપ્રજ્વ્લિત રાખવામાં આવે છે.

ભીમનું ઢોલ 

આપણે ઉપર કહ્યું તેમ, આ મંદિરનો પાંડવો સાથે ઘણો ઊંડો સંબંધ છે. આ મંદિરમાં એક પ્રાચીન ઢોલ  છે, જેને ભીમનું ઢોલ કહેવામાં આવે છે. આ સિવાય, મંદિરમાં સ્થાપિત પાંચ શિવલિંગો વિશે કહેવામાં આવે છે કે તેની સ્થાપના જાતે પાંડવોએ કરી હતી. અને સૌથી અગત્યનું ઘઉંનો દાણો જે પાંડવોનું હોવાનું કહેવાય છે. આ ઘઉંનો દાણો પુજારી પાસે રહે છે. જો તમે મંદિરમાં જાઓ છો અને તમે તેને જોવા માંગો છો, તો તમારે તે માટે પૂજારીને પૂછવું પડશે. પુરાતત્ત્વ વિભાગ પણ પુષ્ટિ કરી છે કે આ બધી વસ્તુઓ ખૂબ પ્રાચીન છે.

નજીકમાં એક એવું મંદિર છે જેમાં પુરુષ બલિદાન આપવામાં આવે છે:

આ મંદિરની નજીક એક પ્રાચીન વિશાળ મંદિર છે અને જે સદીઓથી બંધ છે, એવું માનવામાં આવે છે કે પ્રાચીન સમયમાં એક ભૂદા યજ્ઞ કરવામાં આવતો હતો. જેમાં પુરુષ બલિ પણ આપવામાં આવતું હતું. ત્યારે પણ આ મંદિરમાં  ફક્ત પુજારીઓને પ્રવેશવાની મંજૂરી હતી. હાલમાં પણ, ફક્ત પૂજારી વર્ગને જ આ મંદિરની મુલાકાત લેવાની મંજૂરી છે.

મંતવ્ય ન્યૂઝ દ્વારા જાહેર અપીલ –

દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…