T20 વર્લ્ડકપ બાદ ભારત પરત ફરી રહેલા હાર્દિક પંડ્યાને કસ્ટમ વિભાગે એરપોર્ટ પર અટકાવ્યો હતો. જણાવી દઇએ કે, કસ્ટમ વિભાગે એરપોર્ટ પરથી સ્ટાર ભારતીય ઓલરાઉન્ડર હાર્દિક પંડ્યાની 5 કરોડ રૂપિયાની બે ઘડિયાળો જપ્ત કરી છે. તેની પાછળનું સાચું કારણ એ હતું કે હાર્દિક પાસે મોંઘી ઘડિયાળનું બિલ ન હોતું.

Customs Department seized two wrist watches worth Rs 5 crores of cricketer Hardik Pandya, on Sunday night (November 14) when he was returning from Dubai. The cricketer allegedly did not have the bill receipt of the watches: Mumbai Customs Department pic.twitter.com/tx7hCxFknH

— ANI (@ANI) November 16, 2021

આ પણ વાંચો – T20 World Cup / ICC એ ‘Team of the Tournament’ ની કરી જાહેરાત, એક પણ ભારતીય ખેલાડી નથી મેળવી શક્યા સ્થાન

આ ઘટના તે સમયની કહેવામાં આવી રહી છે જ્યારે ટીમનાં ખેલાડીઓ T20 વર્લ્ડકપમાં ભાગ લઈને UAEથી સ્વદેશ પરત ફરી રહ્યા હતા. કસ્ટમ વિભાગ દ્વારા હાર્દિક પંડ્યાને અટકાવવામાં આવ્યો હતો અને 5 કરોડ રૂપિયાની બે ઘડિયાળો જપ્ત કરવામાં આવી હતી. મીડિયા રિપોર્ટ્સ અનુસાર, તેમને બે કલાક સુધી એરપોર્ટ પર રોકવામાં આવ્યા હતા. લક્ઝરી લાઈફ જીવતા ઓલરાઉન્ડર હાર્દિક પંડ્યાએ અગાઉ ઓગસ્ટમાં ઈન્સ્ટાગ્રામ પર પોતાની ઘણી તસવીરો પોસ્ટ કરી હતી. ક્રિકેટરે તેની કેપ અને સનગ્લાસ પહેરેલા ફોટોગ્રાફ્સ સાથે Patek Philippe Nautilus Platinum 5711 લક્ઝરી ઘડિયાળની તસવીર પણ શેર કરી હતી. આ ઘડિયાળમાં નીલમણિ આવરી લેવામાં આવી હતી. આ ઘડિયાળની કિંમત 5 કરોડથી વધુ છે.

https://www.instagram.com/p/CSg4tXHlRcK/?utm_source=ig_web_copy_link

એક રિપોર્ટ અનુસાર, મોંઘી ઘડિયાળોનાં ચાહક, પંડ્યા તેના અતિ-ખર્ચાળ ઘડિયાળનાં સંગ્રહ સાથે અભિનેતા-કોમેડિયન કેવિન હાર્ટ અને રેપર ડ્રેક જેવી હસ્તીઓની ક્લબમાં જોડાયા છે. આ પહેલીવાર નથી જ્યારે ઓલરાઉન્ડરનો લક્ઝરી ઘડિયાળો પ્રત્યેનો જુસ્સો સામે આવ્યો હોય. 2019 માં, જ્યારે પંડ્યા ઘાયલ થયો અને તેની સર્જરી થઈ, ત્યારે તેણે સોશિયલ મીડિયા પર ચળકતી ઘડિયાળ પહેરીને હોસ્પિટલની પથારીમાં પોતાનો એક ફોટો પોસ્ટ કર્યો હતો. તે દરમિયાન સોશિયલ મીડિયા યુઝર્સે દાવો કર્યો હતો કે આ ઘડિયાળ Patek Philippe Nautilusની છે.

Surgery done successfully 🥳

Extremely grateful to everyone for your wishes ❣️ Will be back in no time! Till then miss me 😉 pic.twitter.com/XrsB8bWQ35

— hardik pandya (@hardikpandya7) October 5, 2019

આ પણ વાંચો – T20 World Cup / ઓસ્ટ્રેલિયાની જીત પર અમિત મિશ્રાથી થઇ ભૂલ, પાઠવ્યા આ ટીમને અભિનંદન, થઇ રહ્યો છે Troll

ઉલ્લેખનીય છે કે, હાર્દિક પંડ્યા UAEમાં રમાયેલા T20 વર્લ્ડકપમાં પોતાની ક્ષમતા મુજબ શ્રેષ્ઠ પ્રદર્શન કરી શક્યો નહોતો. તેણે વર્લ્ડકપની ત્રણ ઇનિંગ્સમાં માત્ર 69 રન બનાવ્યા હતા અને તે એકપણ વિકેટ લઈ શક્યો નહોતો. તે હજુ પણ પીઠની ઈજામાંથી સાજો થઈ રહ્યો છે, જેના કારણે તેને ન્યૂઝીલેન્ડ સામે 17 નવેમ્બરથી શરૂ થનારી T20 સીરીઝ માટે ટીમમાં સામેલ કરવામાં આવ્યો નથી.  કેએલ રાહુલે ન્યૂઝીલેન્ડ સામેની પ્રથમ મેચ પહેલા પ્રેસ કોન્ફરન્સમાં હાર્દિક પંડ્યાને ટીમ ઈન્ડિયામાંથી બહાર રાખવા પર કહ્યું કે તે ખૂબ જ સ્માર્ટ ખેલાડી છે અને તે વાપસી કરવાનો રસ્તો જાણે છે. તેણે કહ્યું, “સાચું કહું તો મને ખબર નથી કે શું થયું. તે જાણે છે કે શું કરવું અને તેની પાસેથી શું અપેક્ષા રાખવામાં આવી રહી છે. તે આ સમજવા માટે પૂરતો સ્માર્ટ છે. તે એક સ્માર્ટ ખેલાડી છે અને કેવી રીતે વાપસી કરવી તે જાણે છે.”